Daniël Lohues

Uut Wikipedia, de vrye encyklopedy
Daniël Lohues
Daniel Lohues (2018)
Daniel Lohues (2018)
Algemene informasie
Geboren 16 febrewaori 1971
Laand Nederland
Spraoke Drèents
Genre Blues, Rock

Daniël Lohues (Emmen, 16 febrewaori 1971) is een Nederlaandse componist, muzikaant en liedtieszanger, ofkomstig uut Erica ien Zuudoost-Drenthe.

Groepen, solowark en muzikale prejecten[bewark | bronkode bewarken]

Nao een paar jaor ien verskillende Engels- en Nederlaandstalige groepen te hebben espeuld, daoras The Charlies d'r iene van was, richtten Lohues ien 1994 de popgroep Skik op. Skik brocht vief plaoten uut: Skik (1995), Niks is zoas 't lek (1997), 's Nachts (1999), Overal & Nergens (2000), Tof (2002), en de verzamelplaot Best Tof (2004).

Skik höld niet op te bestaon, mar Lohues richtten hum op aandere prejecten, benaom oppe blues. Ien 't veurjaor van 2003 begunden hi'j de groep Lohues & the Louisiana Blues Club. Hierveur is Lohues naor 't zuden van de Verienigde Staten etrökken umme bluesmuzikaanten op te zuken. Ien Baton Rouge, Louisiana hebt ze heur eerste plaotien mit op traditionele wieze espeulde blues openeumen, Ja Boeh (2003). Toe as de groep op 't North Sea Jazz Festival speulden, had Lohues op drei grote festivals ien Nederlaand espeuld (eerder ok op Pinkpop en Lowlands). Ien 2005 kwaamp Grip uut, daoras ok een zydeco-nommer op stiet.

De mèensen die mit Lohues ien de Louisiana Blues Club zaten, bint: Keith Keyes oppe bas, Marco Geerdink (Lohues zien neef) oppe rhythmgitaar, Gralin Neal oppe drum, en Rob van Donselaar oppe toetsen. De groep was actief töt en mit 2005.

Van 20 jannewaori töt en mit 2 april 2006 trök Lohues solo deur 't laand mit zien theatertour Allennig. Hiervan kwaamp op 27 meert 2006 een gelieknamige plaot mit akoestische liedties uut. Net as de twei plaoten van Lohues & the Louisiana Blues Club en verskillende plaoties van Skik, bint de liedties ien 't Zuudoost-Drèents ezungen. Op Allennig komp Lohues oe melancholiek inne mute. Ien 't nommer Allennig drokt hi'j zien gevuul uut det "uuteindelijk iederien allennig" is. Ien Beste Koningin vrag hi'j de keuningin um, as 't laand ien 'n bedriebenpark mut veraandern, Drenthe te sparen. Ien De kerke bezingt hi'j zien twiefel oaver 't geleuf (Lohues is kaddeliek opevoed). De ballade Annelie lik een knipoog naor Bob Dylan, en ien Erica zingt Lohues oaver zien singeliere baand mit zien geboortedörp.

In april 2008 kwaamp 't album Allennig II uut. Van jannewaori töt juni van det jaor toerden Lohues mit een gelieknamige theatertour deur 't laand. In 2009 kwaamp Allennig III uut. Met de theatertour Allennig IV in 2010 war het Allennig-vierluuk compleet. In februari 2011 kwaamp de CD 'Hout moet' van zien letste theaterproduksie uut.

Lohues schrif ok nommers veur aandere artiesten, waoronder Jenny Arean, Guus Meeuwis, Freek de Jonge, Paul de Leeuw en Kinderen voor Kinderen.

Priezen[bewark | bronkode bewarken]

Samen mit de bandleden van Skik hef Daniël Lohues ien 1996 de Zilveren Harp ekregen, een Nederlaandse meziekpries. Ien 2006 wördden hi'j anemarkt veur een Edison inne caddegorie Zanger Nationaal.

Ien 2007 wun Lohues de Annie M.G. Schmidt-pries van Buma Cultuur en 't Amsterdams Kleinkunst Festival veur de ballade Annelie. De pries had de vörm van een börstbeeld van de schriefster. Veur RTV Drenthe zee Lohues det 't beeld zien plekkien zol kriegen in zien eig'n Galerij der groten, "tussen Bach en moeder Maria". Ien 2006 har dezölfde ballade al de Okapi Liedpries van Jan Rot zien Stichting Okapi/Stichting Jan Rot ewunnen veur 'een jaloersmakend lied'.

Albums[bewark | bronkode bewarken]

Allennig 27-03-2006
Allennig II 31-03-2008
Allennig III 27-03-2009
Allennig IV 05-03-2010
Hout moet 14-02-2011
Gunder 24-02-2012
Ericana 15-02-2013
D 2014
Koo Wit De Floo In Almelo 2015 (mit Herman Finkers)
Aosem 2016
Moi 2017
Vlier 02-03-2018
Elektrisch Live 10-05-2019 (livealbum)
Sowieso 28-02-2020
Daniël Lohues 2022

Ie mut 't mar weten[bewark | bronkode bewarken]

  • 't Nommer Op fietse wördden ien 2005 uutekeuzen as 't beste Drèentse liedtien ooit. Bron neudig: deur wele?
  • Lohues schrif elke weke een stökkien veur 't Dagblad van het Noorden.
  • Lohues zingt mit oppe single Als je iets kan doen, daoras de opbrengst van is ebruukt um de mèensen te helpen die te lieden hadden deur de eerdbeving ien de Indische Oceaan op Tweede Karstdag 2004.

Buten dizze webstee[bewark | bronkode bewarken]


Dit stok is eskreven in 't Zuudwest-Zuud-Drèents van de Drèents-Oaveriesselse grèensstreek.