Cello

Uut Wikipedia, de vrye encyklopedy
Cello van vuurten en opzied
Nen cello

Nen cello (sprek oet: SEL-lo of TSJEL-lo) is n striekinstrumeant. n Naam is ne ofkorting van violoncello. Enen den't cello spölt, neumt ze nen cellist. Nen cello wörd gebroekt as eankelspel-instrumeant, mer ook in kamermuziek en grote orkesten. t Is t één-noa-grötste striekinstrumeant in t hudige symfonieorkest; allene n kontrabas is grötter.

Beskriewing[bewark | bronkode bewarken]

n Naam cello is ne ofkorting van t Italiaanse violoncello, wat "kleaine violone" beduudt. Dit verwis noar de violone ("grote viola"), t leegst-estemde instrumeant oet de violafamilie. Dit is de groep striekinstrumeanten dee't later vervöngen of oawertröffen wörden duur de vioolfemilie. n Offisjelen naam is dus "viola grote kleaine". Teegn t 20ste joarhoonderd wör t gebroekelik um n naam violoncello of te korten töt 'cello.[1] Rechtevoort wörd cello (zoonder hogen komma) algemeen gebroekt.

Nen cello hef veer snoaren dee't op viefde toonintervallen van mekoar estemd zeent. De leegste snoare is estemd op C2 (twee oktawen leger as de middelste C), vervolgens de aandere snoaren op G2, D3 en A3. n Cello is dus t zelfde estemd as de viola, mer dan n oktaaf leger.

Nen cello wörd oawer t algemeen zittende bespöld. An de eunderkaante van n cello zit ne pinne woerop n cello steet. De spöller zit achter n cello, den't rechtop eheulden wörd, tusken de bene. n Toon wörd emaakt duur met nen striekstok (ook wal "striekboage" neumd) oawer de snoaren de strieken.

n Cello wörd vake in verbaand ebracht met Europese klassieke muziek, en der wörd mangs van ezegd det t geluud van t instrumeant t meest op de meanskelike stemme lik. t Instrumeant is deel van t standaard orkest, leawert de bastoon in striekkwartetten en keump ook vake vuur in völle kamermuziekgroepen. Der zeent n hoop stukke skrewen vuur cello, zo as cellokonserten en cellosonates, zo as de bekeande Cellosuites van J.S. Bach.

t Instrumeant keump nit zovölle in popmuziek vuur, mer der zeent wal pop- en rockvärskes woerin't ne cello vuurkeump, zo as bv. in t nommer Wonderwall van n Britsen band Oasis. Mer ook in grote hiphop en R&B oetvoerings, zo as bie zängeresse Rihanna.

Refereansies[bewark | bronkode bewarken]

  1. Delbanco, Nicholas. (1 jannuwoari, 2001) Harper's Bazaar. The Countess of Stanlein Restored (Violoncello van Bernard Greenhouse wörd op elapt). Volume 302; Issue 1808; Page 39.

Oetgoande verbeending[bewark | bronkode bewarken]


Wikimedia Commons Commons: Cello - plaatjes, filmkes en/of gelüüdsbestanden.