Byleveld

Uut Wikipedia, de vrye encyklopedy
Sparrenburg en blik op de binnenstad
Niederwall an de rand van de olde stad, waterpartye över de stadbaantünnel

Byleveld (düütsk: Bielefelt; oustwestfaalsk: Byleve(y)ld of Beyleveld) is ne grote kreisfreie stad in et noordousten van de düütske deelståt Noordrein-Westfalen. Med 333.451[1] inwonners (in december 2016) is et de grötste stad van de strekke Oostwestfalen-Lippe en et vöärnaamste ekonomiske härte. Et is de 18. grötste stad van Düütskland.

De eerste vermelding van Byleveld kümt uut et 9. jårhunderd.[2] Byleveld wördt vöär et eerste ne stad nöömd in 1214. Leagen an et noordende van et Tötobörger Wold, sol de stad de grötste handelsstad van de Gråfskop Ravensbarg wörden. Byleveld was langen tyd et middelpunt van de linnengoodindustry. Vandage is de stad een centrum vöär vodingsmiddelen, handel- en deenstverlening, drükkeryen en bekleding en machinebow. Buten de strekke sint ouk de Universiteyt Byleveld, Von Bodelschwinghsche Stiftungen Bethel, Dr. Oetker, de Laborschule en Oberstufen-kollege Byleveld, et Theater Bielefeld en de sportvereanige Arminia Bielefeld bekend.

Seet 2013 is Byleveld as Fairtradestad anweasen.[3] Sowat 200 byleveldske undernemmingen doot hyr an med.

Mooy üm te weaten[bewark | bronkode bewarken]

  • Byleveld is et underwarp van ne satiriske samenswearingsstelling, de Bielefeldverschwörung. Hyrin wördt bewäärd at Byleveld nit besteet, mär dat der enkel oavertügend dån wördt as of. Et is een verdan wyrkommend internetgräpken under düütske internetbrukers.

Referentys[bewark | bronkode bewarken]

  1. Inwonnerantallen december 2016.
  2. Oldste vermelding van Bylevelds as Bylanuelde..
  3. Byleveld - eerlikehandelstad.