Shout (Tears for Fears)

Shout is een nommer van et meziekduo Tears for Fears. Et nommer beheurd töt et genre New Wave (Nije Golf) en synthpop. Et nommer is in 1984 op enömmen in Beckington in de The Wood Hall en is in Nederlaand uut ebracht in et begun van 1985. In et Verenigd Keuninkriek was et nommer al op 19 november 1984 uut egeaven. Et is de twiede single in et twiede studioalbum Songs from the Big Chair. De album värsie duurt 6 minuten en 31 seconden en de single värsie 3 minuut 59. Et nommer is eschreaven deur Roland Orzabal en Ian Stanley en is produceerd deur Chris Hughes. De labels bint Phonogram Records en Mercury Records.

Er wördt väke edacht det et nommer te maken hef met therapie waoras ie oe gevoels beschrieft. Roland Orzabal van Tears for Fears hef echter ezegd det et nommer een poletiek protest teagen de Kolde Oorlog is. In de hiele wereld was et nommer een hit. In Nederlaand was et völle te heuren op Hilversum 3 en stund et op plek 1 in de hitliesten Nationale Hitparade, Nederlaandse Top 40 en de Amerikaanse Billboard Hot 100.

Plek in de hitliesten

Nommer in Hitliest	Waor
1	Nederlaand, Duutslaand,Zwitserlaand, Canada, Australië, Nij-Zeelaand
2	Italië, Zuud-Afrika, Vlaanderen (Radio 2 Top 30)
3	Polen
4	Verenigd Keuninkriek
5	Ierlaand, Noorweagen
6	Oostenriek
16	Zweden
21	Frankriek

Radio 2 Top 2000

Nommer in de Top 2000	'99	'00	'01	'02	'03	'04	'05	'06	'07	'08	'09	'10	'11	'12	'13	'14	'15	'16	'17	'18	'19	'20
Shout	511	468	577	623	927	905	1199	993	1147	966	1140	1034	967	1013	1032	1036	1087	1058	897	1014	1224	1082

Wus ie det...

• In et nommer de klank ''ARR1'' te heuren is? Disse klank wier espölt op een Fairlight CMI.
• Shout in totaal vief keer ecovered is deur Concrete Blond (1994), Disturbed (2000), Alexis Jordan (2011), Scandroid (2016) en Grum?

Verwiezing

Dit artikel is eskreaven in et sallandsk.