Sape Zwama
| Sape Zwama | ||
| Algemeyne informaty | ||
| Geboaren | 25 feberwoarie 1911 | |
| Störven | 31 meert 1998 | |
| Land | Nederlaand | |
| Språke | Grönnegers (Westerkwartiers) | |
| Styl | Streekverhoalen | |
Sape Zwama (Kommerziel, 25 feberwoarie 1911 - Stad, 31 meert 1998) was n soldoat en schriever die ien Grunnen bijnoam bekind was om zien Westerkwartierse schrieverij. Hij begon eerst op loatere leeftied te schrieven, noa dat zien vrauw uut tied kommen was. Hij het uutendelek nog n koppel vertelsel en streekromans uutbrocht. Zien verhoalen werren waardeerd en hij het dr ok priezen veur wonnen. Tegelieks wer et ok slim bekritiseerd, wat et veur veur hum n zetje stoer moakt het verder te schrieven.
Zwama het tiedens Tweede Wereldoorlog onderdoken zeten en het doarnoa ok nog n zetje ien Nederlands Indië woond.[1]
Schrieverij
[bewark | bronkode bewarken]Zwama begon met te schrieven op loatere leeftied, noamelk noa zien zeuventegste. Dit noa et winnen van n verhoalenwedstried van de Literaire Kring van de Leek. Hoewel er ien die tied al laank ien Stad woonde, schreef er ien e toal van zien thuus; et Westerkwartiers van Kommerziel, niet ver van Gruupskerk. Zien wark wer bijnoam ien Toal en Taiken en Krödde publiceerd as lözze vertelsels. n Deel van dizze verhoalen zollen loater nog ien n boek 'Op Slag van Twaalf' verschienen. Ok werden goenent van zien verstelsels bij et programma 'Sloaperstil' van Radio Noord verteld. Ien 1988 wer zien streekroman 'Toen t Polderdiepke dicht lag' uutbrocht, met n verhoal over et leven op n boerenploats ien e twintegerjoaren.[2]
Veur zien schrieverij wer Zwama ien 1992 ok nog de Literaire Pries van Stichting t Grunneger Bouk uutlangd. Begrootelek het de jury ien die tied kritiek kregen omreden Zwama's wark zol de pries niet weerd wezen. Toch is zien stiel over et algemeen goed ontvangen. Ien Toal en Taiken wodt et bijveurbeeld omschreven met n eenvoudegheid die "waarmte en bekoren" bringt.[3]
Bibliografie
[bewark | bronkode bewarken]- Toen t Polderdiepke dicht lag (1988), Amsterdam: CHEV
- Op Slag van Twaalf (1996), Scheemde: Stichting t Grunneger Bouk
Schreven ien t Zuud-Westerkwartiers
Brunnen, nöyten en/of referentsys
|