Rynland-Palts
Rynland-Palts (Afkörting RP of RLP) is eyne van de ståten van de bundsrepublik Düütskland. Et ligt in et süüdwesten van et land en is in et noorden nåbers med bundsland Noordryn-Westfalen, in et ousten med bundsland Hessen, in et süüdousten med bundsland Baden-Württemberg en Frankryk, in et süüdwesten med et bundsland Saarland en in et westen med Luxemburg en Belgie.
en untstünd do as se de olde landsdeylen van Prüsen (et süden van de Rynprovincy en et westen van Hessen-Nassau) tohoupe deaden med Rynhessen en et beierske regeyringsgebeed Palts. Med 4,1 miljoon inwoaners is Rynland-Palts et sesde bundsland wat inwoanertal angeyt.
Meyr as 40 procent van Rynland-Palts is bedekked under wold, wårmed et et buskrykste bundsland van Düütskland is. Der sint ses wynbouwgebeden, wåras de wyntradity meyr as 2000 jår weaderümme geyt. Van alle düütske wynen en sekte wördt 70 procent hyr emaked. Ekonomisk geldet Rynland-Palts al jåren as ståt med den höygsten uutvoor en minste warklousen.
De grötste stad is höyvdstad Mainz. Med de veer groute städen Lodewykshaven, Koblens, Trier en Kaiserslautern is et eyne van de vyv höyvdkernen van den ståt. Rynland-Palts höyrt by de sounöämde Großregion, ne euregio dee as grensoavergånde politike en ekonomiske samenwarking bevördert tüsken stükke van Belgie, Frankryk, Luxenburg en et Saarland.