Roxy Dekker
Roxy Dekker (Amsterdam, 12. january 2005) is ne neaderlandske leedkesskryvster en sanger med verskillende nummer 1-hits up name. Ouk is he druk up TikTok.
In 2023 löät Dekker öäre volgers up TikTok wöörde andraegen as inspiraty vöär et skryven van nummers. Nen volger löät de wöörde 'kleuren', 'zon', 'Ibiza' en 'spiegel' achter. Dekker makeden dår et nummer Anne-Fleur vakantie med. Oaver TikTok wör et slim vöäle deyld en dårmed nen hit: et nummer stünd 5. in de Top 50.
November van datselvde jår küm Dekker med et nummer Satisfyer, ne spöäling up den lyknamigen vreademaker satisfyer. Dat was ouk raak. In de neaderlandske Top 40 stünd et neagendes.
April 2024 brachteden Dekker et nummer Sugardaddy uut. Den 12. april küm et binnen up nummer 1 in de neaderlandske Top 40.
Den 7. määrt 2025 küm Dekker med en album: Mama I Made It, wat good untvöngen wör. Wyder hevt Dekker samenewarked med Ronnie Flex en de Bankzitters. Ouk dat leyverden nummer 1-hits up.
In de bioskoopfilm De Smurfen uut 2025 spröäk Dekker de stemme van et karakter Smurfin in.