Pedraforca
De pedraforca (katalaanse oetsproake: [peðɾəˈfɔrkə], letterlik ummezat: rotsvorke) is nen barg in de Pre-Pyreneën van Noord-Spanje, bekend um zien kenmarkenden dubbelen top, eslötten in nen kragen. Hee lig in de comarca van Berguedà. Zien opvallenden vorm en et feit dat he skienboar met gin enkele umliggende bargkettene verbunden is, maakt et ene van de meest opmarkelike bargen van Katalonië.
Vörm
[bewark | bronkode bewarken]De Pedraforca hef nen specialen vörkeden tip bestoand oet twee töppe (de Pollegons) dee't an mekaar zit met nen krans (de Enforcadura). Den heugsten top, de Pollegó superior, is 2506,4 meter hoge en hef nen tweeden oetleuper, el Calderer, van 2496,4 meter hoge. Den anderen top, de Pollegó inferior, is 2444,8 meter. Den krans hef et heugste punt op 2356,2 meter hoge en besteet oet een stik oflopende puunhelling.
Ligstea
[bewark | bronkode bewarken]As onderdeel van et natuurgebeed Cadí-Moixeró is Pedraforca anewezen as natuurstea vuur nationaal belang deur de Generalitat van Katalonië. Kortbiej lignt de pleatskes Gósol (op et westen) en Saldes (oosten). Pedraforca is de grenze tusken de beide. Dat is metene ook de grenze tusken de provincies Barcelona en Lleida.
Volksverhalen
[bewark | bronkode bewarken]Oaver de Pedraforca bestoat meardere volksverhalen in de strekke der umhen. Ene doarvan verkloart 'n biejzunderen vörm van 'n boarg. Lange leden op oldjoarsdag zollen heksen op 'n top, den't domoals nog heel was, edanst hebben. Mer de heksen kregen verskel. Ze maken zo onwies kabaal dat de leu in de dörpkes der umhen der bange van wörden. Dee beden oet allen macht töt Sunt Michael. Den köm dale oet 'n hemmel en höw met 'n zweard den barg intwee. Doar kömmen ook splinters vanof, dee'j vandage 'n dag nog zeet in dee puunhelling.