Overleg:Vroagstuk sproake tegenoawer dialekt
Verearden Droadnaegel,
Ik zir inderdaad degenne den 't reageerd hef op 't nöalstukn. Mooj da-j miej volgt.
Mien verhaal is d'r nog nit duur tiedgebrek, mear iej howt een spieker recht op 'n kop met oewne eerste veroonderstellingen: taalkundig gezeen gin verschil tussen dialect en sproake (behalve dan in stoatus). Det wol ik de leu eerst dudelijk maken. Deel twee van oew veroonderstellingen is ook heel interessant, mear doar komme viej fealijk pas an too a-w good zending hebt bedrewen met deel ene. Het vaalt miej namelijk op (a-k leazingen hoolde) det 'r nog nen heeln hoop leu zeent dee dialect ginne echte taal veendt, mear een soort tweederangs Hollaands. Zelfs met de beste bedoelingen, zo van: "Joa, mear dialect mut wal dialect bliewen." Vandoar het duur miej angekondigde verhaal, want hoe mear waardering d'r vuur 't plat koomp, hoe grötter de oawerleawingskaansen zeent.
Iej heurt 'r van wier.
Gerrit Dannenberg
Moi Gerrit,
Mooi da'j der weer bunt (of bun-k in de biester a'k mene da'j ok al nöalstukn eskreevn hebt?
Ik vin dit wal n mooi onderwarp, woar da'k al völle ovver noa-edacht hebbe. Miene gedachten derovver:
- Vanoet de sproakleer he-j gin verskil tussen dialekt en sproake. Der bunt wal sproakvarianten.
- Vanoet de moatskappi-je he-j dat verskil wal: n dialekt wöd neet gebroekt op de skooln, neet deur de ovverheid ezw. met andere woorden, de stoatus van de sproake mek et verskil (en doar ku-j ok nog ovver noalen) tussen dialekt en sproake.
Moar a'j et binnen de sproakleer hold, wat is dan et verskil tussen varianten?
- A'j mekare echt neet könt verstoan, dan lik mi-j da'j et ovver verskillende varianten hebt.
- Allene n klankverskil is, duch mi-j te weinig veur n variant. A'j bi-jveurbeeld nen Broabander nemt, den zuver Nederlands pröt, allene met nen zachte g, dan lik mi-j dat gin ni-je variant.
- Andere verbugingn of grammatikaregels lik mi-j juust wal n grond veur et onderskeid tussen variantn. Ik kan Limburgers bi-jveurbeeld ovver et algemeen wal verstoan, moar vin dat wal dudelek te onderskeiden van et Nederlands of Nedersaksies.
- Ander idioom (andere woorden veur etzelfde begrip) vin'k moeilek. Ligt deran hoovölle et verskilt. Een paar andere woorden is gin verskil in variant, moar as de meeste woorden anders bunt is et wal weer ne andere variant, vroage is dan natuurlek hoovölle et verskillen mag, veur da'j et ne ni-je variant neumt.