Okkenbrook

Uut Wikipedie, de vrye encyklopedy
Naar navigatie springen Naar zoeken springen

Okkenbrook of Okkenbroek is een döarpken in de Sallaandse gemeente Deawenter, in de proveensie Oaweriessel. Der wont 620 leu. Töt an 1999 heurden Okkenbrook bie de doomoalige gemeente Depenvenne.

Okkenbrook was in de Middeleeuwen ene van acht boerskoppen dee met mekaar de Goijermaarke warren. et lea in et skoltenambt Kolmskoate. Et zoompige deel langs de Soestwetering op et westen van de Sallaandse Heuwelrugge was aait al weust. Oet de groond köm iezeroer, wat noar de iezergeteriejen in Deawenter gung. Et Middeleeuwse Okkenbrook besteund oet een antal boerderiejen op et zuden van et hudige Okkenbrook.

Nen pensioneerden Officier der Huzaren, Adam IJssel de Schepper (1812 - 1890) zag kaansen met et gebeed. Duur völle te ruilen kreeg he oardig wat groond langs den Oerdiek, de weg noar Deawenter. Hee leut der ne mölle en ne smederieje bouwen. In 1863 gavven he geeld um ne Hervörmde Kaarke te bouwen. Ok wör der völle weuste groond umme zat in laandbouwgroond. Der ontsteund een doarp, met ne legere skole, twee bakkeriejen en aandere weenkels.

De kaarke wör pas in 1904 of ebouwd. Protestaanten oet Lettele komt hier ook, terwiel as de Roomsken oet Okkenbrook in Lettele noar de kaarke mut.

In Okkenbrook steet seend 2006 een kulturhus. Dit wörd vuur verskillende zaken ebroekt, zo as ne ofveardiging van de Openbare Bibliotheek van Deawenter.

Op et westen van Okkenbrook lig et laandgood Oostermaat, wat net as de monumentale boerderieje De Grote Brander duur de Stichting IJssellandschap beheard wörd.