Naar inhoud springen

Ule (voagel)

Uut Wikipedia, de vrye encyklopedy
(döärstüürd vanaf "Oele (voegel)")

Ulen bint een soort voagels dee bykans oaver de hele wearld vöärkommet. De meeste ulen bint 's nachtens aktiv, man der bint der ok by dee dagens jaget. Ear sintügen bint kats to-espitsd up et vangen van prooi in et dunker. De ougen van een ule nemmet bynå 70% van de rüümte in ear höyvd in en bint merakelsk good ontwikkeld. Summige könt ear höyvd töt wel 270 gråden üm ear asse draien en 90 gråden ümhouge, ümlaege of upsyd. Disse büügsaamheid hebbet se te danken an ear veerteen nekwärvels (mensken hebbet der man söäven). Wat völle lüde neet weatet is dat ulen ok alderbärstens good gehöyr hebbet. Ear ouren ståt neet up de gelyke höygde up ear höyvd, man künnet, ofhangend van et soort, töt wel 15 gråden höyger stån. Hyrdöär vanget de ouren et gelüüd vanüüt verskillende hoken up en künnet sou beater höyren wår gelüüd vordkümt.[1]

Der bint ümme en nåby 225 soorten ulen oaver heyl de wearld, man in Neaderland vind jy benamens de buskule, kärkule, katule, veldule en steenule (al süllet de namen tüsken de neadersassiske dialekten sumtyds verskillen).[2]

  1. ↑ Lewis-Stempel, John, The Secret Life of the Owl (Londen 2017). pp. 9-17.
  2. ↑ Vogels in Nederland, Natuurpocket (2022). pp 62-66.