Noorddakota

Uut Wikipedia, de vrye encyklopedy
(döärstüürd vanaf "Noord-Dakota")

Noorddakota (Engelsk: North Dakota) is nen amerikaansken deylståt. Geografisk en kultureel höyrt et by et midwesten van Amerika. Et is up achtene nå den grötsten ståt, up dree nå minst bevolked en ouk dünst bevolked van de 50 ståten. De höyvdstad is Bismark, de grötste stad is Fargo.

Noorddakota tröäd to töt et Verbund up den 2. november 1889, tegelyke med syn nåberståt Süüddakota. See warren de 39. En 40. Ståten dee as der by kümmen. Üm verskel te vöärkummen wee as der eyrst was, hüsselden domåligen president Benjamin Harrison de ståtskapspapyren.

In den 21. Eyw hebbet de natuurlike grundstoffen van Noorddakota de lokale ekonomy flink ehülpen, vöäral de öäly wårvan as der nen grouten plas van under et noordwesten van den stat ligt. Dat warkeden bevolkingsgroi in de hande en laege warklousheid, sou dat Noorddakota de up eyn nå laegste warkelousheid hevt, up Hawaii nå.

In Noorddakota steyt de KVLY TV-mast, et höygste bouwwark up et Westelik Halvrund.