Mr. Robot (TV-riege)

Uut Wikipedia, de vrye encyklopedy
Nå navigaty springen Nå söken springen
Beeldmoark vuur Mr. Robot

Mr. Robot is ne Amerikaanse TV-riege oet 2015. Et is nen drama-thriller eskrewen duur Sam Esmail.

Verloop[bewark | bronkode bewarken]

De serie volget Elliot Alderson, nen jongen kearl in Niej-York Stad. Hee woarket vuur nen internetbevealigingsbedrief Allsafe as bevealigingsprogrammeur. Hee lid oonder sosjale angst en kliniese nearslachtighead. Zinne gedachtenstreum lik slim te lieden oonder achtervolgingswaan en waanzin. Zinne wieze um met leu in kontakt te kommen is duur ze te hacken, woerduur as hee zik verdan meant op te mutten stellen as nen soort online bewaker. Hee wörd eroonseld duur nen geheimzinnigen anarchist den as zik "Mr. Robot" neumt. Hee wörd lid van "fsociety", den Mr. Robot zin koppel hacktivisten. Een van öare doelen is um alle skoolden oet te wisken en zo de machtsverdeling van de wearld wier liek te trekken. Det weelt ze doon duur ene van de grötste vakverenigingen van de wearld, E Corp (dee as Elliot "Evil Corp" neumt), plat te leggen. Toovallig is E Corp den grötsten klaant van Allsafe.

Akteursriege[bewark | bronkode bewarken]

Heuwdrollen[bewark | bronkode bewarken]

  • Rami Malek as Elliot Alderson,[1] nen bevealigingsprogrammeur bie Allsafe Cybersecurity en nen hacker den as allens in de gaten heuld. Hee hef sosjale angsten en lid an kliniese nearslachtighead en waanbeelden. Hierduur kan hee neet good met leu en leawt hee ofzeunderlik.[2]
  • Christian Slater as Mr. Robot,[3] nen an opstaandigen anarchist den as Elliot anhaalt in zinne verdekte hackergroep met den naam fsociety.
  • Carly Chaikin as Darlene,[4] ene van de fsociety-hackers.
  • Portia Doubleday as Angela Moss,[5] Elliot's vrindin van vroger en kollega bie Allsafe.
  • Martin Wallström as Tyrell Wellick,[6] den ambisjeuzen Senior Vice President of Technology bie E Corp.

Verwiezingen[bewark | bronkode bewarken]

  1. USA Network Elliot Alderson – spöld duur Rami Malek. Bekekken op 4 juli 2015.
  2. backstage.com. Mr. Robot. Bekekken op 21 april 2015.
  3. USA Network. Mr. Robot – spöld duur Christian Slater. Bekekken op 4 juli 2015.
  4. USA Network. Darlene – spöld duur Carly Chaikin. Bekekken 3 juli 3, 2015.
  5. USA Network. Angela Moss – spöld duur Portia Doubleday. Bekekken op 4 juli 2015.
  6. USA Network. Tyrell Wellick – spöld duur Martin Wallström. Bekekken op 4 juli 2015.