Minecraft
Minecraft is en sandbakspel uut 2011. Et wör bedacht en uutegeaven döär den sweydsken spelmaker Mojang Studios. Den eyrsten wat et makeden was Markus 'Notch' Persson. Hee skreav et in Java, ne programmeerspråke. De eyrste oapenbår spöälbåre versy küm uut up den 17. mei van 2009. Vanaf den tyd was et spel voordan in untwikkeling un wör et officiääl uutbracht up den 18. november 2011. Persson güng vord by Mojang en döä Jens 'Jeb' Bergensten de leiding oaver wydere untwikkeling. De jåren dårup is et voordan anepasd nå andere platförme, sou as smartphones, tablets en andere spelkomputers. In 2014 kochteden Microsoft Mojang oaver, med inbegrip van de de intellektuäle eigendomsrechten vöär Minecraft. Se leaden der 2,5 miljard dollar vöär up tåfel.
In Minecraft verkennet spöälers ne dreedimensionale wearld med en unbeparked spöälveld wat uut sounöömde voxels besteyt. Spöälers künnet grundstoffen untdekken un mynen, gerei un andere vöärwarpen maken, gebouwen tosetten, landskoppen inrichten en machines untwikkelen. Afhangelik den ård spölmodus vechtet spöälers teagen vyandige hordes of warket samen med anderen in multispöälermodus. Et spel hevt twey höyvdgrunden: Survival (oaverleavingsmodus), wår as spöälers grundstoffen müttet vinden üm to oaverleaven; en de Creative modus, wåras spöälers unuutpüttelike grundstoffen hebbet en künnet vlegen. Der is ouk noch ne Hardcore-variant van Survival, wåras doudgån ouk echt et ende van et karakter bedüdt (permadeath). Der sint heyl wat lüde dee as et spöälet, en dee leyvert tohoupe vöäle verskeidenheid an brukersuutbreidingen, sou as modifikatys, servers, skins, tekstuurpakketten en selvemakede wearldkaarten, wårmed as et spel en ander karakter en möägelikheiden krigt. Den speedrunningscene van et spel hevt flink wat anhangers.
Med meyr as 350 miljoon verkochtede kopien (2025) en 140 miljoon måndelikse gebrukers (2021) is Minecraft is et bestverkochte spel ooit. Et krigt louvende kritiken en hevt heyl wat pryse wünnen. Et wördt wal es et beste videospel allertyden nöömd: syn populariteit hevt et spel to danken an sociale media, nåmaaksels, anpassingen, gaddergood en jårlikse Minecon-gadderingen. Minecraft wördt bruked as lesmateriaal üm skeidkünde to geaven, komputeruntwarp en komputerweatenskappen. Under et gröttere bedryv Minecraft vallet verskeidene afleidde spellen, sou as Minecraft: Story Mode, Minecraft Earth, Minecraft Dungeons, and Minecraft Legends.
In 2025 küm ne nåspöälde filmbewarking van et spel med den titel A Minecraft Movie wearldwyd uut.