En minderheidsspråke of minderheidstaal is en språke dee espröäken wördt döär en språkkündige minderheid, oftewel elke andere språke as de dominante språke van en bepåld land. Minderheidsspråken kummen in vrywel alle landen van de wearld vöär, en künnen souwel territoriaal weasen (an en bepåld grundgebeed ebünden weasen, lykas et neadersassisk in u.a. Neaderland en Düütskland), as neet-territoriaal (wårby de spreakers verspreided leaven tüsken andere bevolkingsgruppen). In Neaderland binnen de neet-territoriale minderheidsspråken vöär et groutste gedeylde allochtone språken, lykas et türksk of et surinaamsk, mär se künnen ouk autochtoon weasen, lykas et jiddisj of et romani. Wat en minderheidsspråke is en wat en dominante språke (of meyrderheidsspråke) is relativ. In Neaderland is byvöärbeald et freesk en minderheidsspråke en et neaderlandsk de dominante språke, mär in Freesland solde jy künnen seagen dat streakspråken as et hollandsk (stadsfreesk, biltsk) en et neadersassisk (stellingwarvsk, kollumerlandsk) de minderheidsspråken binnen, döärdat et freesk ten upsichte dårvan en dominante(re) posity innimt.
Bronnen / wellen:
Crystal, David, The Penguin Dictionary of Language (Second Edition), Londen, 1999 (Penguin), ISBN 0 14 05 14 163, s. 217.
