Mien Toentje (album)
| Mien Toentje | ||
| Album van Ede Staal | ||
| Oetbracht | 1 december 1984 | |
| Opnomen | 1984, Flowertree Studio, Schoonebeek | |
| Genre | Levenslaid, Volksmeziek | |
| Duur | 39:20 | |
| Label | Mollebone Music | |
| Produsìnt | Ede Staal, Engbert Gruben, Koos Hindriks | |
| Hoesontwaarp | Klaas Staal | |
Mien Toentje is n LP oet 1984 van de Grunneger zaanger Ede Stoal. t Is zien eerste ploat ien noavolging van t lieknoamege verske Mien Toentje, dat de herkenningsmelodie was van de toenrebriek op Roadio Noord. t Album is nog wieder vernuimd deur t verske het het nog nooit zo donker west.[1]
Achtergrond
[bewark | bronkode bewarken]Stoal wer omtrint 1981 ontdekt deur Engbert Gruben tou dij n koppel opnoames van Stoal heurd haar. Gruben haar t dr stoer met Stoal ien de studio te kriegen, mor het hom oetendelk zo wied kregen met n koppel herkenningsmelodieën veur Roadio Noord te begunnen. Veur de toenrebriek van Melle Wachtmeester het stoal dou Mien Toentje moakt. De meziek sluig aan bie minsen en dou Gruben Stoal endelk oet de klaai trokken haar, begunnen opnoames ien Flowertree Studio ien Schoonebeek.[2]
t Album is oetbrocht op t label Mollebone Music, gerund deur Ede Stoal en zien kameroad Kloas Stoal (gain femilie). Veural ien pervìnzie, mor ook doar boeten, dee LP et machteg best en wui de oploage veur Grönneger begrippen aibels groot.[3] Kloas het ook de foto moakt van de hoes van t album; n Grönneger boerderij ien Nij Beerte woar Ede woont het (en woar zien jonkje Jelger geboren is).[4]
Ienhold van t album
[bewark | bronkode bewarken]Alle verskes schreven deur Ede Stoal.
| No. | Titel | Duur |
|---|---|---|
| 1. | Mien Toentje | 2:50 |
| 2. | Het Het Nog Nooit Zo Donker West | 4:34 |
| 3. | Grunnegers Veur Gevordenen | 3:28 |
| 4. | Doar Bluit Mien Eerappellaand | 3:22 |
| 5. | Wat Moakt Het Oet | 3:03 |
| 6. | Genoat | 3:11 |
| No. | Titel | Duur |
|---|---|---|
| 7. | Credo-Mien Bestoan | 3:09 |
| 8. | Vrouger | 2:45 |
| 9. | Het Hoogelaand | 2:27 |
| 10. | Het Twijde Perron | 3:21 |
| 11. | Geef Mie Dien Blues | 3:37 |
| 12. | Zo Mouvve T Holn | 3:28 |
Personeel
[bewark | bronkode bewarken]Meziek
- Ede Stoal - Zaang
- Henk Bemboom - Pioano, harmonikoa
Produktie
- Ede Stoal - Produsìnt
- Engbert Gruben - Produsìnt
- Koos Hindriks - Produsìnt
- Jan Bloemsma - Technikus
Ontwaarp
- Klaas Staal - Fotogroaf
Brunnen, nöyten en/of referentsys
|