Mal:Artikel van de maond/nds-de/oktober

Uut Wikipedia, de vrye encyklopedy
Nå navigaty springen Nå söken springen
Logo iso radiation.svg

Radioaktivität betekent de Egenschop vun sünnere Atomen, nich bestännig to wesen un vun sülvst ut’nanner to fallen. Dorbi wannelt sik en cheemsch Element dör verschedene Aflööp in en anner’t üm un Energie warrt in Form vun ioniseeren Strahlen freesett. De Energiefreesetten is de Grund, dat Radioaktivität kritisch diskuteert warrt. Op de een Siet, kann de Energie ut de Radioaktivität in Karnkraftwarken nütt warrn, üm elektrischen Stroom to tügen. Op de annern Siet aver, geiht vun radioaktive Stoffen en grote Gefohr för Gesundheit un Leven ut, vun wegen dat de Strahlen biologische Zellen angriept un tweimaakt. Disse biologsche Wirken kann in de Strahlentherapie ok gegen Krankheiten insett warrn. De Schaadwirken hett aver ok en militäärsche Bedüden in’n Tosamenhang mit Atombomben. >>