Lieste van Nederlaandse plaetse mit veurmoalige stadsrechten

Uut Wikipedie, de vrye encyklopedy
Naar navigatie springen Jump to search

An n antal plaetse in Nederlaand bunt vrogger stadsrechten too-ekend. Van sommege van dee plaetse op de lieste is neet bekend of, en zo joa, wanneer dee stadsrechten verleend bunt. Dat dee plaetse, mit name de meeste Freese steadn, Appingedam en Grunnen, wal eigen stadsrechte hadden kump doarbi-j neet ter sproake.

Den tookenning van stadsrechten hef sinds de herzeningen van de groandwet in 1848 gene betekkenis meer. Vanuut planologies gezichtspunte hebt völle van dizze plaetse neet de bevölkingsantallen dee de benaming rechtvoardigt veur wat vandage under ne stad wöd verstoan.

Alfabeties[bewark | bronkode bewarken]

Steadn dee bunt vort egoan[bewark | bronkode bewarken]

  • Burghorn, stadsrechten in 1492, moar nooit untwekkeld tot stad. Is as buurtschop opegoan in den bebouwden kom van Schoagen.
  • Delfshaven, stadsrechten in 1825, is as wiek op-egoan in Rotterdam en sinds de joaren 90 wier ne deelgemeente van Rotterdam.
  • Geyne, stadsrechten in 1294, wierd in 1333 deur de Hollaanders verwoost en neet meer op-ebouwd. Op dizze plaatse ligt noe de stad Nieuwegein
  • Hughevleet, stadsrechten in de 13de eeuwe, is verdrunken in de golven.
  • Niervoart, stadsrechten in 1357, is verdrunken in de golven. Later wierd op deezelfde plaatse Klundert esticht, dat eavenèns stadsrechten kreg.
  • Reimerswoal, stadsrechten in 1374, is verdrunken in de golven.

Verloorn stadsrechten[bewark | bronkode bewarken]

  • Ameide, had van 1277 tot 1527 stadsrechten, doarnoa alleneg nog n antal steadeleke rechten.
  • Noordwiek, kreg op 1 april 1398 stadsrechten verleend, moar graaf Albrecht nam de verleningsbreevn op 12 meert 1399 wier trög, umdat de anvroagers neet erechtegd waarn tot n dergelek verzeuk (formeel is doar dus gene sproake van verleende stadsrechten).
  • Vreelaand, had van 1265 tot 1560 stadsrechten, howal sommige historici betwist of dee stadsrechten doadwerkelek bunt ontnommen, wöd der algemeen an-enommen dat dit wal et geval is.
  • Wognum had van 1392 tot 1426 stadsrechten, doarnoa alleneg nog n antal steadeleke rechten.

Ok bunt der plaetse dee wietgoande steadeleke rechten kreggen. Dizzen wödden mangs ok tot de plaetse mit stadsrechten erekkend, umdat dizzen bundel an steadeleke rechten in den praktiek bi-jnoa etzelfde gevolg had as echte stadsrechten. Et geet in dit verbaand um de plaetse Deepn, Kuinre, Linne, Obdam, Sas van Gent, Siebekarspel, en Wiedenes en Oosterleek.

Emmeloord[bewark | bronkode bewarken]

In 1992 kreg Emmeloord, de heufdplaatse van de gemeente Noordoostpolder in ne ludeeke ceremonie stadsrechten van den Kommissares van de Könningin van Noord-Hollaand Jos van Kemenade, den zogezegd optrad noamens de Stoaten van Hollaand. In warkelekheid kunt stadsrechten sinds 1848 neet meer verleend wodden, umdat toon et onderscheid tussen steden en darpen uut de wetgeaving vort ging. Noadeen tot stad uutegreujde plaetse kunt doardeur nooit meer stadsrechten kriegen. Andersumme hebt stadsrechten teggenwoordig ok gene praktiese betekkenis meer.