Kroamschudden

Oet Wikipedie, de vraaie enzyklopedie
Gao naor: navigasie, zeuk

Et kroamschudden is ne olde tradisie woarbi-j ne krentenstoete of pillewegge ebrach wöd noar et ni-j geboarn kind binnen ne Noaberschap. Dat wöd veurof egoan deur et ansprekken deur de vrouwen uut de naoberschap.

Ansprekken en Krommen Arm[bewark | bronkode bewarken]

Al kort noa de geboarte kompt zi-j de moder ansprekken en et kind bekieken. Mangs wodt doarnoa alle noabers derbi-j ehaald en goat ze kroamschudden. Dan komt ze met nen ‘krommen arm’, woarmet wöd bedoold, dat de noabers ne krentenstoete metnemt. De stoete kan wal 2 meter lange waen en wal dartig cm. breed. Et wöd deur alle naobers edragen, de stoete is arg zwaor en wöd op ne planke legd. Mangs is et ne kunstige pronkstoete en den bakker mag veural neet te "krenterig" waen met de krenten. Ok den roombotter wöd met-enommen, want dat heurt doar bi-j. In de olde tradisie mag den noasten noaber de stoete ansnieden. Doarnoa wöd veur iederene nen plak of-esneden en doar kump ne dikke loage echte botter op. Woarbi-j et kind de riege langs geet, en iederen noaber mag et kind efkens vasteholden.