Knossos

De deyls herbouwde noorderpoorte van Knossos

Kaarte van Kreta med Knossos under Heraklion anegeaven

Knossos (/(kə)ˈnɒsoʊs, -səs/; oldgreeksk: Κνωσσός, romaniseerd: Knōssós, uutspreaken as [knɔː.sós]; lynwark B: 𐀒𐀜𐀰 Ko-no-so) is ne vundsteade in Kreta. Et was bewoand van de steyntyd töt de neagende eywe nK. Et was ne vöärname steade vöär de minoanen en bekend van de greekske myte van Theseus en de minotaur. In de ysertyd was et eyne van de rykste aegaeiske beskavingen. In de klassike oldheid wör et ne romeinske kolony. Et ligt in ne butenwyke van Heraklion en turisten gåt der noch altyd gaerne hen. Knossos wördt wyd beskouwd as de öldste stad van Europa en eyne van de ölde steyntyddörpe in Kreta.

Et monunementale Paleis van Minos is et vöärnaamste punt van Knossos. Sou as andere minoaanske paleisen is et en wirwar an verskillende gebouwen med meyrere ambtelike en religiöse kenmarken. Ne adelike family woanden der wårskynlik neet. De öldste stükke van et paleis wörden rund 1900 vK bouwd in ne streake dee al seyd de steyntyd belangryk was vöär rituäle feysten. Et paleis wör voordan uutbouwd en upeknapped, töt et in 1350 vK verwöösted wör.

De steade wör heruntdekked döär Minos Kalokairinos in 1877. In 1900 güng Sir Arthur Evans der deperder döär en haalden de rest van et paleis nå böäventen. Ouk vöäle bekende müürskilderingen höyrden dårby, sou as de skildering van et Bullenspringen, de slangengodinnen en verskeidene tabletten med Lynwark B der up.