Köllumerlands

De noam Kölmerlands kin ook dienen as foutieve benoamen veur t Westerkertiers

Et Köllumerlands is n dialekt van et Westerkwartiers, dat op humzulf weer tot et Grunnegs heurt. Et wordt sproken ien et westelke part van de gemeente Zuudhörn en et oostelke part van de gemeente Köllumerland en Nijkruusland. Et is een van de dialekten die n overgaang vörmen tussen et Hoogelandsters en et Fries.

De noam Köllumerlands wordt ook wel bruukt veur et Westerkwartiers ien zien algemeen.

Hiernoast stijt n koartje van Friesland, Grunnen en Oostfriesland. Et grieze part is et gebied woar of et Westerkwartiers sproken wordt en et grune part is et gebied woar of t Kölmerlands sproken wordt.

Krekt as de meeste andere Westerkwartierse dialekten, kint et Kölmerlands de typisch Grunnegse klanken ai en ou niet. Et Köllumerlands dut veul denken aan et Stadsfries van Köllum en Dokkum.

Ontstoan

Et Köllumerlands is middelkerwies ontstoan doe et olle Köllumerland hum ien 15e eeuw aansloot bij et gezag van Stad. Ok kwammen der lu uut t oosten om de boedel doar ien te poldern. Et Fries dat doar sproken wer, veraanderde stoareg ien t Grunnegs, mor et Fries het meer ienvloeden achterloaten as dat et ien et Hoogelandsters doan het. Ien et Pompsters is de Friese ienvloed t grootst van aal Grunnegse dialekten.

Klassifikoatsie

Indo-Europees
- Germoans
  - West-Germoans
    - Leegduuts
    - Leegsaksisch
      - Grunnegs
        Westerkertiers
        Köllumerlands

Schreven ien t Zuud-Westerkertiers