Justin Bieber

Uut Wikipedia, de vrye encyklopedy
Justin Bieber
Justin Bieber (2015)
Justin Bieber (2015)
Algemene informasie
Geboren 1meart 1994
Laand Kanada
Spraoke Engels
Genre Popmuziek, R&B
Offisiële webstee
www.justinbiebermusic.com

Justin Drew Bieber (1 meart, 1994) is nen Kanadesen pop en R&B-zanger, skriewer en akteur.[1] Bieber learn zikzelf drumn, gitaar-, piano- en trompetspöln. Bieber wör oontdekt in 2008 duur Scooter Braun,[2], den't Bieber's muziekvideo's op YouTube zaggen. Hee wör later zinnen manager. Braun zorgen at Bieber Usher tröf in Atlanta, Georgia, en Bieber har al rap n kontrakt te pakn bie Raymond Braun Media Group (RBMG), wat n vennootskop is tusken Usher en Braun,[3] en doarnoa met n opnemkontrakt met Island Records, an eböadn duur L.A. Reid.[4] Bieber's eerste single, "One Time", wör vrie egeewn in 2009 en steund hoge in de top 10 in Kanada. t Steund ook in verskeaidene aandere internasjonale hitliestn hoge in de top 30. Zin eerste album, My World, met zeuwn nummers, köm rap in november van t zelfde joar, en wör al gaauw ne Platina-plate in de Verenigde Stoaten. Hee wör n eerstn artiest met zeuwn nommers van n debuutalbum in de Billboard Hot 100.[5]

Meart 2010 köm Bieber met zin eerste lange studio album, My World 2.0. t Köm in verskeaidene laandn meteen in de top 10 en wör ook platina in de VS. Doarop volgen de wearldwiede top-10 single Baby, wat vandaag n dag t meestbekekn en -besprökn YouTube-filmken is.[6] Meteen doarop köm he met nen konsertriege (de My world Tour), de remixalbums My Worlds Acoustic en Never Say Never - The Remixes, en de 3D biopies-konsertfilm Justin Bieber: Never Say Never - wat in t eerste wekneande ne opbrengst har wat kort an t rekord köm vuur best-bezochten konsertfilm. Zin tweede album, Under the Mistletoe, gavn he oet in november 2011, wat op nommer 1 in de Billboard 200 hitlieste köm.

Juni 2022 küm Bieber in et nys ümdat hee ne gesichtsverlamming kreagen had döär et Ramsey Huntsyndrome, en kenmark van gordelrous by et our.[7]

Bieber hef al verskeaidene oonderskeaidingn op naam, zo as de Artiest van t Joar op de American Music Awards 2010, en is völle an eweezn vuur oonderskeaidings, zo as vuur de Grammy's vuur Bestn Niejn Artiest en Beste Pop Vocal Album.

Verwiezings[bewark | bronkode bewarken]

  1. Billboard. Justin Bieber Biography & Awards 2010-06-15
  2. Konjicanin, A. Justin Bieber makes them proud. But why? Vancouver Observer. 24 December 2010. Bekekn op 1 november 2011
  3. Herrera, M. Justin Bieber – The Billboard Cover Story. Billboard. 19 meart 2010. Bekekn op 7 mei 2010.
  4. Mitchell, G. Usher Introduces Teen Singer Justin Bieber Billboard. 28 April 2009. Bekekn op 23 juli 2009.
  5. CBS News Interactive. Justin Bieber Fever Hits Miami. 5 februwoari 2010. bekekn op 27 meart 2010.
  6. Readwriteweb.com. Top 10 YouTube Videos of All Time. 9 februwoari 2011. Bekekn op 24 februwoari 2011
  7. bbc.com. "Justin Bieber reveals facial paralysis after shows cancelled." 11 juni 2022. Bekeaken: 12 juni 2022.


Wikimedia Commons Commons: Justin Bieber - plaatjes, filmkes en/of gelüüdsbestanden.