Hornsherred
Hornsherred is n Deans halfeilaand in de proveensie Sjælland tusken t Roskildefjord en t Isefjord. t Is n deil van de nieje en oet-breidde gemeante Frederikssund, moar vroger was t verdeild in twea heale gemeantn, Jægerspris en Skibby, en n deil van de gemeante Bramsnæs (det noe biej de gemeante Lejre hör). t Is noe-an-n-dag verbönnen met Frederikssund deur de Kronprins Frederik-brugge dee in 1935 baawd was. t Gebeed wör steads antrekliker veur bezeukers met waandel-, feets- en voarmöglikheadn.
Veurzeenigen[bewark | bronkode bewarken]
Öp Hornsherred is t möglik öm meardre verskilnde dinge te doon, zoo a't Kasteel van Jægerspris, t Færgegårdmuseum van Ploatslike Skiednisse en natuurlik de völle feets- en waandelpäde. D'r is nen jachthoawn biej Jægerspris. Ok beent d'r meardre steantiedbegroafploatsn öp t halfeilaand te veendn. De Skibby-karke is de wichtigste kultureale ploats van t hölle halfeilaand.