Hooltdoarp

Uut Wikipedia, de vrye encyklopedy
Naar navigatie springen Naar zoeken springen
Disambig-dark.svg Bedooldn iej Houtdarp in de gemeente Armelo?
Jeunks an t bouwn (welle:www.tctubantia.nl)

Hooltdoarp is n joarliks eheuldn gebuurn vuur keender töt 12 joar in Tweante/oostelk Sallaand, vuural in de umgewing van Maarkel, Riesn, Eanter, Wierdn en Heeldern, woerbie at ze zelf nen eegn doarp van hoolt in mekaander magnt timmern.

Verskeaidene hooltbedriewe geewt oold hoolt vort an de hooltdoarporganisasie, dee at t dan verslept noar ne weaide boetn t doarp of stad. De keender köant zik dan inskriewn, en met spölkameröadjes/-vrindinnekes n eegn hutjen timmern. Umdet t Hooltdoarp in de zommervakaansie eheuldn wörd, hebt de keender alle tied van de wearld.

Van moandag töt doonderdag hebt de keender de tied um te timmern. Timmergerei munn ze zelf metbrengn, mear spiekers kriegnt ze van de organisasie. Op doonderdag wörd duur ne kuurmeaister bepoald wee at de mooiste hutte hef etimmerd. Ene van de bouwers doarvan wörd oet erop töt "Börgermeaister van Hooltdoarp".

In n nacht van doonderdag op vriedag magnt de keender in öar bouwsel bliewn sloapn. 's Aanderdeagns wörd t hooltdoarp in braand estökn. De börgermeaister en zinne/öare möage magnt met de braandwear met um t doarp te blusn, oonder grote tooloop van kiekvolk.

Op disse manere hebt de keender ne wekke wille, en beent de hooltbedriewe gratis van öar oolde hoolt of. Doar keump nog bie det de keender zo leart saamnwoarkn en inzicht kriegnt in timmerwoark.