Heldern (dorp)
| Heldern | ||
Dorp in Nederlaand 
| ||
 |
| |
| (Vlagge van Heldern) | (Wapen van Heldern) | |
| ||
| Bestuur | ||
| Provinsie | Oaveriessel | |
| Gemeente | Heldern | |
| Geografie en bevolking | ||
| Öppervlakte - Laand - Water |
45,99 km² 45,46 km² 0,53 km² | |
| Inwonners - dichtheid |
6.500 (2023) 143 inw./km² | |
| Koordinaten | 52° 23′ N, 6° 27′ O
| |
| Aoverig | ||
| Belangrieke verkeersaoders | N347 | |
| Postkode | 7447 | |
Heldern (Nederlands: Hellendoorn) is een dorp in de lieknamige gemeente Heldern in Oaveriessel. In 2023 wonen der 6500 lu op ne oppervlakte van zowat 46 kilometer in 't vierkant. Et grenst met de klokke met an Elen en Rhaan, Hulsen, Nijverdal, Hoarle en Luttenbarg. Heldern lig tegen 'n Heldersen Barg, een uutloper van de Sallandse Heuvelrugge.
Geschiedenis
[bewark | bronkode bewarken]Et dorp wördt veur et eerst enuumd in et kasboek van nen bisschop uut 1275. Toen deed 'n lokalen pastoor geld inleggen veur de kruustochten.
In de Tweede Weerldoorlog bouwden de nazi's een ofvuuropstelling veur V2-raketten biej Heldern. Van doaruut wör in 1944 Antwarpen, wat al lange bevrijd was, beschötten en kwammen 567 luu uut de tied.
Kultuur en vermaak
[bewark | bronkode bewarken]De meeste lu kent Heldern veural van et Avonturenpark Hellendoorn, een pretpark wat de lokale knippe goed spekt. Et muziekfestival Dauwpop trek alle joaren een hoop volk op Heldern op an. Gröttere sportevenementen bint de Hellendoornrally die al sinds 1982 organiseerd wördt en de Mountainbike Mania, woarbiej fietsers 's nachtes biej lu deur de huze en een kafee fietst.
Wieders he'j in et dorp et iesfabriek van Ben & Jerry's.
Ok he'j in et dorp twee möllens: De Hoop en De Wippe.
Op landgoed Schulenburg, op et noordoosten van Heldern, wördt alle joaren et Zunnewende Festival organiseerd, woar met muziekuutvoeringen en veurdrachten Nedersaksische cultuur evierd wördt. Ene van de bekendste Nedersaksische skriefsters, Johanna van Buren, kwam uut Heldern. Een ander, regionaal bekende skriever en leedtiesmaker in et Helders is Herman Kampman. Taalonderzuker Jan Nijen Twilhaar höldt zich gangs met et beschrieven van et Helders dialect, wat een mengvörm van Sallands en Twents is.
