Heimskringla

Kringlublaðið [Et kringlablad] is een handskrivt uut 1260. Et eanigste blad van de Kringla wat oaverbleav nå den grouten brand van 1728 in Köäpenhagen.

De Heimskringla (yslandske uutspråke: [ˈheimsˌkʰriŋla]) is de bekendste van de oldnoorske köäningssagen. Et wör in et oldnoorsk upeskreaven in Ysland. Nargens in de Heimskringla steyt wel as et skreaven hevt, mär meyrere kenners denket, et steyt up name van den bekenden yslandsken dichter en geskeedkündigen Snorri Sturluson. Den titel Heimskringla wördt vöär et eyrst bruked in et 17. jårhunderd en is ne afleiding van de eyrste twey wöörde van eyne van de handskrivten: kringla heimsins, den kring van de wearld.

Heimskringla is ne sammeling sagen oaver sweydske en noorske köäningen. Et vangt an med de sage van de sweydsk-noorske geslachtslyne Yngling. Dårnå volget verslage van historiske noorske heyrskers, van Harald Blundhår in et 9. jårhunderd töt den doud van den löägenbüdel Eystein Meyla in 1177. Nich alle brunnen sint eaven düdelik, mär in de Heimskringla geyt et van öldere köäningssagen sou as Morkinskinna, Fagrskinna en de noorske synoptiske geskedenissen en vertelsels uut et 12. jårhunderd. Der sit ouk heyl wat skaldisk dichtwark by. Den skryver (of skryvers) doot der düdelik by dat et nu verlöärene wark Hryggjarstykki ne brunne was.

Samenvatting

Mal:Lang bevat meyrere sagen dee vake in dree grupen indeyld wordet. Dårmed likt et wark en dreyluuk. De verhalen gåt oaver de stryd van de köäningen, et stichten van et köäningryk Noorweagen, noorske tochten nå verskillende europääske landen töt in Palestina to (de sage van Sigurd den Kruusvårder). In dat lätste verhaal wördt den noorsken vlout anevöllen döär arabiske islamitiske piraten, dee vikings enöömd wordet. De verhalen draeget energy en låtet ne menskelike kante seen. Et episke verhaal is in prosa eskreaven, wårmed et wat löt seen van Skandinavie, mär ouk de streaken dee de skandinaviers verkennet. Et eyrste deyl van de Heimskringla kümt in beginsel uut de noordse mytology. Feit en fabel loupet döär mekander, mär de verhalen wordet voordan meyr historisk betrouwbår.

De eyrste sage düt van de mytologiske vöärgeskedenisse van de sweydske en noorske köäninglike geslachtslyne, de Ynglings, dee af solden stammen van Freyr (Yngve) van de Vanalanders, dee med Odin medköämen nå Skandinavie vanaf et legendariske Asgard. De meyste volgende sagen gåt oaver enkele heyrskers, te beginnen med Halfdan den Swarten.

Et höyvdgedeylde likt Sünt Olafs Sage, oaver Olaf II van Noorweagen. Eyn darde van de heyle Heimskringla geyt oaver Olaf syn 15 jår as köäning. Dårnå kryg y de Harald Hardrada-sage, Dårin geyt et oaver Harald synen tocht nå et Ousten, syne beleavenisse in Konstantinopel, Syrie en Sicilie en syn skaldiske vernüft. Ouk geyt et oaver syne gevechten in Engeland teagen Harold Godwinson, Godwin syn söäne, Earl of Wessex, wår Harald völ in de Slag üm Stamfordbrügge in 1066, kort vöärdat Harold völ by de Slag üm Hastings. Nå ne ryge andere köäningen slut de Heimskringla af med ne sage van Magnus V van Noorweagen.