Hanenkreeien

Uut Wikipedie, de vrye encyklopedy
(deurestuurd vanaof "Hanekreein")
Naar navigatie springen Naar zoeken springen
kreeienden Bergsen kreeier

Et Hanenkreeien is nen sport wat völle in et laandelik gebeed van Nederlaand, en West-Europa edoan wörd. Bie dissen sport geet et der umme det nen haan binnen nen bepoalden tied zo völle of zo lange meugelik kreeit. Det leste wörd ook wal "langkreeien" eneumd.

Deelnemmers nemt nen hanen woervan at ze weett dat den völle of lange kreeit met noar de wedstried. Doar geet he in een apart hukken met een nommer, met gaas an ene kaante. Dan wordt alle huks met hanen bie mekoar ezat en geet der een kleed oawerhen.

Noa nen bepoalden tied wörd et kleed vort etrökken, zodet de hanen ineens in et felle lecht zitt. Hanen kriegnt hierduur de natuurlike drang um te kreeien. Den hanen den as et meeste kreeit binnen nen bepoalden tied hef et ewunnen. Der zit een onofhaankelik koppel juryleden dee as et spul good biehooldt.

Wedstrieden wordt vake in wedstriedverbaand eheulden; nen hanen hef ja gode en slechte daege, bievuurbeeld as ze rujen doot.

Op bepoalde steas in Nederlaand, Duutslaand en België bestoat zelfs hanenkreeivereniges. Vake zeent dit wier oonderdelen van vereniges vuur pluumveehoolders.

Aandere deers[bewark | bronkode bewarken]

Vuural in België hebt ze vergeliekboare wedstrieden met veenken. Doarbie telt ze et antal moal as nen veenk slöt in et uur.

Oetgoande verbeendiges[bewark | bronkode bewarken]

Nuvola apps ksig.png Dit artikel is eskreaven in et twentsk.