Hall (Gelderland)

Uut Wikipedia, de vrye encyklopedy
Naar navigatie springen Naar zoeken springen
Karke van Hall
Monument veur Knelis van Doorn

Hall is n darp in de gemeente Brummen, in de Nederlandse provinsie Gelderland. Der wonen ongeveer 850 mensen. t Ligt kortbie de grotere kern Eerbeek, iets ten oosten van t Apeldoorns Kanaal, dat ongeveer op de grens ligt van de Veluwse stuwwalle en de Iesselvallei. De oorsprong van de plaatsname 'Hall' is niet helemaole wisse, n meugelike verklaoring is t Oldsaksiese (of Oldnederlandse) Halle, Halla of Hallo, dat bocht in/van hoogland betekent, mer de uutgang -lo kan daorbie ok verwiezen naor de bos. n Andere verklaoring is dat t uut t Proto-Kelties kömp, dat dan weer zolt betekent.

In meerdere plaatsnamen in West- en Midden-Europa vi'j 'Hall' of 'Halle' terugge. In Nederland löp n zoltlaoge vanof Noord-Holland naor Oost-Nederland, waorop zowel t 'Hall' bie Brummen as t 'Halle' in de gemeente Bronkhorst liggen.

Beschrieving van Hall[bewark | bronkode bewarken]

t Fietspad Hallsepad vörmp n verbinding mit t darp Brummen. De Darpsstraote en Hallseweg vörmen t harte van Hall. An disse wegen liggen onder andere de monumentale Hervörmde Karke mit de biebeheurende begraafplaatse, t verenigingsgebouw De Wheme, openbare basisschole De Vossestaart en de sportvelden van de plaatselike voetbalvereniging SHE.

Karke[bewark | bronkode bewarken]

In Hall lag n hof van de abdieje van Werden. De karke van Hall was vrogger ewied an de stichter van die abdieje, Liudger. In 1981 bint de fundamenten van disse merakels olde karke op-egraven.

De protestantse karke die noe op disse plekke steet, stamt uut de veertiende eeuw, en delen dervan uut de zestiende eeuw. Disse karke is bekend vanwaegen de biezundere gewelfschilderingen.

Knelis Johannes van Doorn[bewark | bronkode bewarken]

In 1837 is Knelis (Cornelis) Johannes van Doorn in Hall geboren. Hie hef as waterbouwkundig ingenieur in de umgeving van de Japanse stad Koriyama belangrieke waterbouwkundige warken uutevoerd. Op grond van dit historiese feit is der n vrendschappelike band tussen de gemeente Brummen en disse Japanse stad. In oktober 1998 wier in Hall in t plantsoen op de hoek Hallseweg - Domineeskamp n Japanse karse (Somei Yoshina) eplant ter gelegenheid van t tienjaorig bestaon van de vrendschappelike band. In september 2001 is kortbie de Hervörmde Karke n herdenkingsteken onthuld dat an de ene kante de banden van t darp Hall en Van Doorn symboliseert en an de andere kante de betrekkingen tussen de gemeente Brummen en Koriyama.

Uutgaonde verwiezing[bewark | bronkode bewarken]


Nuvola apps ksig.png Dit artikel is eskreaven in et oustveluwske dialekt van Brummen, in de Algemene Nedersaksiese Schriefwieze.