Groowe

Oet Wikipedie, de vraaie enzyklopedie
Gao naor: navigasie, zeuk

Ne groowe is ne gebuurtenis dee wörd eheulden as n meanske oet de tied is ekommen. In de Westerse weareld is t van ooldsher gebroekelik um t estörven meanske te begreawen.

Ieder laand hef wier eegne maneren um n meanske te begreawen. Dit kan ook van t geleuf ofhangen.

Rechtevoort is t ook völle gebroekelik um t dode meanske te verbraanden. Doarnöast kan n meanske, in zien leawen, der vuur kiezen um noa zin dood zin lief an de wetenskop te gewen, zodet de gelearden t köant gebroeken vuur onderzeuk.

Groowegebroeken[bewark | bronkode bewarken]

Neersassies gebeed[bewark | bronkode bewarken]

Binnen bepoalde kulturen en geleuwe köant verskillende gebroeken bestoan.

Kristelik[bewark | bronkode bewarken]

Vuurofgoand an de dag van de groowe keump vake de femilie van n doodn bie mekoar um ofskeaid van zin lief te nemmen. De Roomsken hooldt vake de oawend te vuurten ne oawendwake. Det kan in bie n doodn in thoes wean, of met ne mis in de koarke.

De nöasten besloett wee't de kiste geet dreagen. Vake zeent det de breurs, of de zöns en skoonzöns. As de oawerleadene der doar nit zovölle van hef, kan der beslötten worden um t de nöaste noabers te loaten doon, of um metwoarkers van de begrafenisoondernemmige te huren.

Vuur de groowe an kan der nen koarkdienst eheulden worden, of ne nit-geleuwige vergoaring in t oetvoartcentrum of t krematorium, woerin de oawerleane herdacht wörd. De protestaantse nöasten steelt zik vuur anvaank van n dienst op bie n ingaank um de deelnemming van alle belangstellenden an te nemmen.

n Domie of n pastoor kan de oawerleane herdeanken in zinne preake. Der wörd vuur-eleazen oet n Biebel, en vake is der ook ruumte vuur nöasten um wat te zeggen, mangs in n gedicht of versken, of in ne toosproake. Der kan muziek edreeid worden, det duur de oawerleadene zelf in zien leawen is oet ekeuzen, of duur de nöasten.

In Tweante was t vroger gebroek um de kiste op ne platte wage met koobeeste te vervoren. Dit was ook vake umdet de femilie ne deure liekwage nit betalen kon. In Eanter geet n rouwgaank eerst oawer de heuwdstroate noar n koarkhof. Rechtevoort keump t gebroek van de ossewage wier vakerder vuur.

Noa n dienst verzamelt zik de femilie, noabers, kunnigheaid en kollegaas van de oawerleadene boeten op de stroate, en de nöaste kearls dreagnt de liekkiste noar boeten. Doar wörd he in de liekwaage sköawen, of op n dreagköarken elegd. Doarnoa geet n gaank noar n koarkhof, woer at n doodgreawer n graf hef egreawen. Bie dee groowe an-ekömmen tilt de nöaste kearls de kiste op de töwwe. Hiernoa zegt vake n domie nog n wöardjen en dut n gebed.

Doarnoa löt n doodgreawer de kiste zakken, woernoa de nöasten, meesttieds de euldste zönne of dochter, de leu köant toosprekken en bedaanken vuur öare belangstellige vuur de oawerleadene in en noa zin leawen. Ansloetend köant de leu ofskeaid nemmen van de oawerleadene. Det kan wean duur n heandken zaand op de kiste te gooien, of in ne lange riege langs de groowe te trekken.

Dan keump de noagroowe: Ansloetend is der geleagenheaid vuur de femilie en belaankhebbenden um in ne zale koffie, thee en breudjes skeenken en keze te gebroeken, en de groowe of te sloeten. Bie de protestaanten dut dit ene van de oolderlingn. Dan is de groowe vuurbie, en geet iederene, noa de nöasten stoarkte too eweunsket te hebben, wier noar thoes. Oonderwiel hef n doodgreawer t graf dichte gooid.