Gmail

Oet Wikipedie, de vraaie enzyklopedie
Gao naor: navigasie, zeuk

Gmail, voloet Google Mail, is ne gratis e-maildeenst van et Amerikaanse internetbedrief Google. Et nöm in 2009 nen onmeundigen vuursproonk op aandere gratis e-maildeenste, duur 1 gigabyte (1000 megabyte) an mailopslag te beden. In dee tied was ongevear 20 megabyte nog gewoon. Seend dee tied maakt Google de opslagruumte verdan grötter. Oonderwiel krig alleman met een Google-profiel rechtevoort 15 GB an ruumte. Dit böd zovölle ruumte det völle leu der neet meer umhen köant.

Chatten[bewark | bronkode bewarken]

Vanof mei 2006 gef et ook ne meugelikheid um te chatten in Gmail. Det kan binnen Gmail in den webkieker of met ne spesjale oetbouw Google Talk. Met det leste kön iej ook gewoon kuieren. Um met mekoar te können chatten mut iej beaide een Gmail-profiel hebben, of lid wean bie Jabber. Chatten kön iej pas as der ne neudiging versteurd wörd en dissen wörd an enömmen. Vanof 2008 kön iej der ook ne webcam bie anzetten. Doarvuur mut iej wal ne spesjale oetbouw installeren.

Opmoat noar aandere deenste[bewark | bronkode bewarken]

Google beud zovölle opslag det der hele nieje programma's volledig op de komputers van Google dreeien konden. Vanzelfs ontwikkelden Google dee ook zelf, zo as Google Docs.