Gert Sennema

Gert Sennema
"Transformoatorhokje" deur Gert Sennema. Boskerweg tuzzen Gruupskerk en Butenpost (2000)
Algemeyne informaty
Geboaren	Gruupskerk, 26 feberwoarie 1962
Land	Nederlaand
Språke	Nederlaands, Grunnegers, Fries
Belangrykste wark	Beeldhaauwkunst, teksten, meziek, theoater
Officiele websteade

Gert Egbertus Sennema (Gruupskerk, 26 feberwoarie 1962) is n Grunneger beeldhauwer, schriever, theoatermoaker en mezikaant. Er is bijnoam bekind van zien standbeelden en kunstwaarken die over de hiele pervinsie Grunnen en doarbuten vonden worden kinnen. Doarnoast stijt er as mezikaant bekind om zien waark met zien band Gert Sennema en Westkantstad. Zien kunst richt hum veur n groot deel op et Westerkwartiers.

Levensloop

Sennema is dr een van n pabbe uut Gruupskerk en n moeke uut Olrom. Hij was notoaresklerk en zij was eerst kapster ien Olrom en doe huusvraauw ien Gruupskerk. Gert is de darde van vier jongs en is gereformeerd opgroeid. Zien haartstocht veur kunst het er deels van zien pake en wer ok op e schoel aanpittjed.

Hij wer aan et begun ofwezen op e Kunstakademie op zien schilderkunst en het doarnoa leroarenopleiding doan op Ubbo Emmius. Noa dizze of te ronden het er noar Kunstakademie Minerva west ien Stad. Met meziek het er begunnen noadat er op n festival ien Gruupskerk met n kameroad n zulfschreven verske speuld har ien et Westerkwartiers.

Noa zien ofstuderen har er et slim met n boan te vienden ien e kunst, hoewel er al sunt zien opleiding bijwarkte as leroar. Ientuzzen bleef er aan gang met beeldhaauwwark. Zien deurbroak kwam doe et nije Grunneger Museum opengong en hij doar n kunstwaark veur moaken mocht; n schoapke uut lindenholt dat loater nog stolen is.

Gert voert tegenswoordeg zien atelier ien e olde Zuvelfebriek ien Gruupskerk. Zien femilie (Sennema) is ofkomsteg van e Westerhörn ien et Westerkwartier. Goenent van zien veurolders hemmen ok kunstenoars west.

Beeldhaauwwarken

Gert Sennema's beeldhaauwwark is veur n groot deel doan met holt. Hij moakt geern beelden van dieren of alledoagse huusholdveurwarpen. Veul van zien kunst is verbonden met zien geboortegrond, wat noast ien zien beelden ok weerom te vienden is ien zien teksten en meziek. Deurdat er veul holt bruukt veur zien beelden, bennen ze voak tiedelek wat ok deel is van et koncept.

Onder zien beeldhaauwwarken bennen onder aandere:

• 'Sanne' - Assen, 2022
• Portret Henk van Lier Lels - Assen, 2021
• 'Mij Dorst' - Groot Wetsen, 2019
• Beeld veur Kamp Nuus - Nuus, 2011
• "Zoutkamp ZK 69" - Zoltkamp, 2011
• Beeld veur Rabobank Roon - Roon, 2010
• Portret van Jan Hesselink - Oldeberkoop, 2010
• Veteroanenmonument Amersfoort - Amersfoort, 2009
• "Tante Ambon" - Moarum, 2009
• Dodeweg 29 Rusthof - Leusden, 2009
• Beeld veur pelitsiebureau Assen - Assen, 2008
• Beeld uut boom op e brink Assen - Assen, 2008
• Oorlogsmonument Moarum - Moarum, 2008
• Portret Jelte Diekstroa - Gruupskerk, 2007
• Milleniumkunstwaarken Tubbargen - Tubbargen, 2000-2005
• Beeld veur Wiester - Wiester, 2004
• Bronzen ooi met lammer - Roon, 2004
• Beeld veur Walfridus - Beem, 2003
• "Ora et Labora" - Beem, 2003
• "Zand Erover" - Tesing, 2003
• 'Jozef en Maria' Beeld veur Akademies Ziekenhuus Grunn - Stad, 2002
• 'Kast' en 'Tijdsbeeld' Beeld 500-joareg bestoan Gruupskerk - Gruupskerk, 2001
• Transformoatorhokje - Gruupskerk, 2000
• 'Tijdsbeeld' - Stad, 2000
• 'Archief' - Zuudhörn, 2000
• Beeld veur Loon - Assen, 2000
• 'Zaailam' - Stad, 1999
• Herdershond en schoapen - Loon, 1999
• 'Corpus Delicti' - Stad, 1998
• 'Portaal' - Stad, 1997

Gallerij Beeldhaauwwarken

• 
  "Zoutkamp ZK 69" (2011)
• 
  Beeld Kamp Nuus (2011)
• 
  Portret van Jan Hesselink (2010)
• 
  "Tante Ambon" (2009)
• 
  Dodeweg 29 Rusthof (2009)
• 
  "Sisyphus" (2008)
• 
  "Boegbeeld" (2008)
• 
  Portret Jelte Diekstroa (2007)
• 
  Bronzen ooi met lammer (2004)
• 
  "Zand Erover" (2003)
• 
  "Ora et Labora" (2003)
• 
  "Zaailam" (1999)
• 
  Herdershond en schoapen (1999)
• 
  "Portaal" (1997)

Gert Sennema en Westkantstad

Gert Sennema en Westkantstad is de noam van de band die Sennemoa om hum toe het. Met dizze groep bringt er sums meziek uut en treed er ok of en toe op. De band bestijt uit vief meziekanten (Sennema zulf metnommen) en moakt blues- en rockmeziek met stevige gitaar. De teksten, meesttieds schreven deur Sennema, bennen zowat uutslutend ien et Westerkwartiers en de zaang is opmarkelek deur Sennema's raauwe mor waarme stemgeluud, met harmoniekoortjes van andere bandleden. De teksten baseren heur op Sennema's ervarings van wenst, zien gevulens bij zien hiem as ok fiktieve of allegoriese verhoalen. Ien 2011 kreeg de band de K. Ter Laan Pries uutlaangd.

Sennema het ok nog zulf wark uutbracht, as ok n muzikoale veurstelling met Arnold Veeman en Jan Kuper. Ien et verleden het Sennema ok meziek schreven en moakt met Vera Sutman. Verder het er nog soamenwaarkt met Grunneger zaangeres Josien Bakker en met Grunneger meziekaanten Jan Henk de Groot, Martin Körthuus en Sietse Scherengoa.

Bezetten

• Gert Sennema - Zaang, gitaar
• Jan Ruiter - Bas, achtergrondzaang
• Bennie Timmer - Gitaar, achtergrondzaang
• Sjouke Dijkstra - Gitaar, achtergrondzaang
• Siemon Terpstra - Drums, achtergrondzaang

Diskogroafie

Allinneg

Titel	Joar	Label
Woar	2007	Gert Sennema

Met Arnold Veeman en Jan Kuper

Titel	Joar	Label
Jongens van de Zee	2014	Stichting Five Free Guitars

Met Gert Sennema en Westkantstad

Album	Joar	Label
Zo mag T Weden	2009	Gert Sennema
Dit is	2010	Gert Sennema
Aarms Wied Open	2018	Gert Sennema
Stroom	2022	Gert Sennema
De Overtocht	2025	Gert Sennema

Singles

Artyst	Titel	Jår	Label
Gert Sennema en Westkantstad met, Jan Henk de Groot, Martin Korthuis en Sijtse Scheeringa	De zun komt op ien t Westerkwartier	2018	Traxfree
Gert Sennema en Westkantstad	Ik soe sa graach
Gert Sennema	Aarme Toal	2020
Gert Sennema en Westkantstad	Mama Maria	2024	Gert Sennema

Schreven ien t Zuud-Westerkwartiers

Brunnen, nöyten en/of referentsys