Gerrit Odink

Uut Wikipedia, de vrye encyklopedy

Gerrit Odink (Eibarge, 1916 - Eanske, 5 juli 1978) was een Achterhoekse dichter die vake 't Achterhoekse plattelaand bezung. Zien bi'jname was de Hölter.

Ontwikkeling as dichter[bewark | bronkode bewarken]

Odink begunden end jaoren dartig in 't Achterhoeks te schrieven. Een vrog klaankbörd veur hum was zien oom, de streekhistoricus Hendrik Odink. Hi'j kwaamp in de kunde mit de Nederlaandstalige dichter Gerrit Achterberg in de tied det dizzend in Mallem verbleef. Achterberg, Hendrik Entjes en aandern tröffen mekare vake in de regio. Zowal Achterberg as Entjes hebt invloed ehad op Odink as dichter.

Dichterlijke kenmarken[bewark | bronkode bewarken]

In zien gedichten, treditioneel van vörm, leuk Odink hum vake inspireren deur de netuur van zien streek. Veul gedichten hebt een christelijke grondslag. Mit zien creatieve drang, die as-e ok in tiekenings en as zanger töt uting brocht, en zien algemiene daodendrang, wol Odink humzölf onderscheiden van wat e zien grootste vi'jand nuumden: de middelmaot, 't 'kleutjesvolk'.

Wiedere lèven[bewark | bronkode bewarken]

Odink leidden een drok verieningslèven; hi'j zat onder meer bi'j de oldheidkundige veriening De Graafschap. Mit zien breurs har hi'j een bouwbedrief, waorveur hi'j veule bi'j de weg was. Nao 't wegraken van zien oldste zeun bi'j een auto-ongelok in 1966, hef Odink - op ién gedicht nao - gien ni'je gedichten epubliceerd. De eerste bundel daoras zien gedichten in verzameld wördden, kwaamp in de jaoren zeuventig uut. Ok in die tied stelden hi'j de uutgave De Eibergenaren, herkent u ze nog? samen.

De leste jaoren van zien lèven leed Odink an longemfyseem; hi'j oaverleed in Eanske. Zien verzamelde gedichten wördden in 1999 bezörgd, mit een veurwoord van de schriever Henk Krosenbrink en een biografisch naoschrift van zien zeun Wolter Odink.

Fragment uut zien wark[bewark | bronkode bewarken]

Zo'k argens misschien eenzaam was
Velaoten en allene,
Zo was dat in de grote stad
Woor 't laeven is te zene,
Woor 't bast van 't volk,
Woor 't schöf en jech
En 't volk van 't volk ne slinger leg.
[...]

Uut 't gedicht Naamloos volk

Bron[bewark | bronkode bewarken]

  • W. Odink, E.H. Wesselink, G.H. Lettink en G.J.H. Krosenbrink (red.) (1999), De Hölter. Verzamelde Gedichten van G. Odink (1916-1978), Eibarge: Historische Kring Eibergen

Uutgaonde verwiezing[bewark | bronkode bewarken]

Dit stok is eschreven in 't Zuudwest-Zuud-Drèents van de Drèents-Oaveriesselse grèensstreek.