Germaanse lotsbeduding

Uut Wikipedie, de vrye encyklopedy
Gao naor: navigasie, zeuk

Germaanse lot's beduding giet ter van hoe as de Germanen oaver 't lot dachten. Bi-j eur was 't lot de hoogste macht, woar as de weerld noar verlöp.

Lot[bewark | bronkode bewarken]

De Germanen vulen zich aait edreven deur iets wat de weerld döt leven en starven. Dit stunnen zölfs boaven de goden en de veuroaldergeesten. Aals wörd deur 't lot bepoald. Iej konnen oew der allinnig maar an onderwarpen, waant dr onderuut kommen kan geniene nie. In 't bekende Angelsaksiese heldendicht Beowulf hef 't Lot ok 'n belangrieke rolle.

'n Stukkie uut de Heliand gef 't Germaanse lotsbenul in iene zinne mooi an:

  • So habed im wurdgiscapu metod gimarcod

Wat zo iets betekkend as:

Zo hef Wurd 't uut-emetten en maarkeerd.

Namen[bewark | bronkode bewarken]

't Lot wörden met verskillende namen an-eduud. Bi-j de noorsen stammen wörden 't Örlög enuumd (wat in 't Oaldsaksies Urlagi is), wat 'n oalere varsie is van oenzen woord oorlog. Oor is 't zölven as 't veurvoegsel oer-, en log kump van leggen of 'n aanderen woord veur eed.

Bi-j de Angelsaksen wörden 't lot Metod enuumd, wat verwaant an metten is. En bi-j de Saksen wörden 't Wurd enuumd, wat verwaant is an oens wörden en verdan.

Ne's[bewark | bronkode bewarken]

In de mythologie van de Noorsen stammen wörd 't lot dichterlik uut-ebeeld as drieë vrouwluu - de Ne's. D' eersten en oaldsten het Urd, die 't verlidden angef. De tweeden en middelsten het Verdandi, die 't noew angef. De darden en jonksten het Skuld, die de kommende tied angef.

Disse vrouwluu wont onder dn Weerldbome 'Iekdrasiel', doar woar as ze 't lot van alles en iederiene bi-j mekare zingt en knöpt.


Nuvola apps ksig.png Dit artikel is eskreven in t Sallaandse dialekt van 'n Arnbarreg.