Geliefden van Valdaro

Uut Wikipedia, de vrye encyklopedy
Nå navigaty springen Nå söken springen
De Geliefden van Valdaro: hij links, zij rechts

De Geliefden van Valdaro bint twee mèenselijke skeletten van zo'n zesduzend jaor old. Ze bint deur archeologen evunden in een neolitisch graf in San Giorgio in de buurte van Mantua, Italië, in 2007. De beiden waren begraven mit de gezichten naor menare toe en de naarms rond menare, waordeur ze een liefdespaartien liekt te wezen.[1]

De opgraving wördden eleid deur archeologe Elena Maria Menotti. 't Stel bint een man en een vrouwe, beidend tussen de achttien en twintig jaor toen ze uut de tied kwamen en ongeveer 1m57 laank.[2][3]

Bij de nakke van de man wördden een vuurstienen pielpunte evunden. Naost de dij van de vrouwe lag een fiks vuurstienen lemmet en onder heur pelvis lagen twee vuurstienen messen. Osteologisch onderzuuk leverden gien bewies veur een gewelddaodige dood, breuken of microtrauma. Grootkaans bint daorumme de vuurstienen veurwarpen mit de beiden begraven as grafgiften.[4]

In september 2011 koj de skeletten veur 't eerst zien in 't Nationaal Archeologisch Museum van Mantua.[5] In 2014 kwamen ze permanent in dit museum terechte, daor as ze onder barstbestendig glas te bekieken bint.[6]

Rifferenties[bewark | bronkode bewarken]

  1. Stone Pages: Prehistoric skeletons found locked in eternal embrace (11 febrewaori 2007)
  2. Archaeology.org: Eternal Embrace (jannewaori/febrewaori 2008)
  3. Time: 6,000 Years Later, the 'Lovers of Valdaro' Need a New Home (13 september 2011)
  4. The History Blog: Neolithic lovers seek new home
  5. Jezebel: 6,000-Year-Old Lovers Make Debut In Italy (13 september 2011)
  6. Corriere della sera: Due scheletri e una teca. La nuova casa degli amanti (11 april 2014)
Nuvola apps ksig.png Dit stok is eschreven in 't Zuudwest-Drèents.


Wikimedia Commons Commons: Geliefden van Valdaro - plaatjes, filmkes en/of gelüüdsbestanden.