Gebruker:Jur.engels

Uut Wikipedia, de vrye encyklopedy
Nå navigaty springen Nå söken springen

Moi,

Ik bin Jur Engels en woon in Tolbert. Ik bin geboren in t zaikenhoes in Stad, mor getogen in Zuudbrouk. Doar heb ik haalfschaid van mien leven woond (27 joar); aander 27 joar heb ik deurbrocht in (en waarzoam bie) de gemainte Laik. Ik heb al vanof de tied dat ik op Pedagogische Academie zat oardeghaid aan de Grunneger toal. Dou bin ik via de Kemizzie Kinderbouk bie de Stichting t Grunneger Bouk terechte kommen, eerst as bestuurslid en doarnoa joarenlaank as siktoares. Ook binnen de Stichting Grunneger Toal heb ik verschillende (bestuurs)functies bekled. As ofgevoardegde vanoet Grunnen in de Federatie SONT (Streektaalorganisaties in het Nedersaksisch Taalgebied) kwam ik in aanroaken mit lu en organisoatsies in hail oostelk Nederland dij ook mit heur streektoal aan loop binnen. Vanof 1982 zit ik in de redactie van "Toal en Taiken; tiedschrift veur Grunneger kultuur". Noamens de Grunneger organisoatsies zit ik in de Programmaraad van RTV Noord.


Mien pa was n geboren Zuudbroukster en sprak Veenkelonioals. Mien moeder is zo'n 8 kilometer wieder geboren op Korengaarste in Noordbrouk en het de Oldambtster tongval. Nou ik al meer as n kwart aiw aan westkaande van Stad woon, heb ik ook al oardeg wat kennes van t Westerketiers.


Noa wat perbaairsels op de Nederlandse Wikipedia liekt t mie mooi tou om zo nou en din ook wat op de Nedersaksische Wikipedia te doun.