Gebruker:Hop'n

                                           Oorsprong van de gemeente Helder'n.

Al veur de joartelling waarn d'r meansen die op de woeste groonden van de huudige gemeente Helder'n hun heil zochen. Grafheuvels uut die tied wiest doarop. Seensdien is t'r vulle veraanderd. In 1078 is d'r een skriftelijke mealding van de noam Hellender. En deur de eeuwn he is t gebied rondum Helder'n altied eene 'wes. t'Kerspel Helder'n umvatt'n de marken Helder'n (t'karkdorp), Noesel, Hulsen en Oaverwater, Hoarle, Dammarke (t'huudige Eeln, Rhoan, Egede en Marle) en Doarle. Tot en met 1954 liepn de gemeentegreansen gliek an die van t'oale kerspel. Pas in 1955 bunt die greansen uutebreid rond de boomcateweg met onder aandere t'huudige industerieterrein Groot Lochter. Van de oale tieden is t'r maar weinig oaverebleem. Oale havezathen en kasteeln as nen Shuilenburg, nen Dam en nen Eversbarg bunt alleen nog an de oale fundamenten te herkennen. Slechs nen'Oale Griezen, de dorpskarke van Helder'n, heft de eeuwe oaverleaft. Al rond 900 mut 'r nen schuurkark estoan hem. De huudige karke dateert uut 1150 (t'Romaanse middendeel en de toorn) en de 15e eeuw (nen Gotische anbouw). Rond disse markante karke stoat ok nog nen aantal veurbeeln van oale boederien, herkenboar an de oelegaatn in t'dak. Museumboederie Erve Hofman is zo nen krakteriestieke Saksiese boederie. Moar ok in umliggende noaberschop'n bunt nog skiere exemplaarn te vin.