Gerrit Kraa

Gerrit Kraa, ok bekeand as Gait van de Kroaje (Riesn, 1939) is nen skriewer van kollums, korte verhaaln en beuke, en maakt zik hard vuur t behoold van t Tweants.

Weark[bewark | bronkode bewarken]

Kraa wör geboorn in n bakkersgezin, en wör zelf skoolmeaister. Hee was bie t Van Deinse Instituut n eerstn streektaalconsulent van 1998 töt 2002. Rechtevoort skrif'e verskeaidene korte stuks (kollumns). Hee bedachn lesn vuur t oonderwies, programmaas in t plat vuur RTV Oost, kokwedstriedn vuur strekgerechtn, en brachn Tweants noar t theater. Kraa wont rechtevoort in Boarnebrook.

Zien keenderbook Jewilmke skreef'e in t Riesns, mear skreef'e ook umme zodet t op skooln gebroekt kon wordn in Heeldern, Nijverdal, Glanerbrug, Vroomshoop en Soasel.^[1]

In 2005 vertaaldn'e t bekeande woark Scrooge van Charles Dickens in t Eanters, vuur de Eanterse Revue.^[2]

Hee har n zetn nen twee-wekkeliksen kollumn bie Monique Sleiderink in öar RTV Oost-programma Aksent. Ook verzorget'e saamn met Gait van de Tute de joarlikse Tweantse kursus.

Kraa skrif in de skriefwieze van de Kreenk vuur de Tweantse Sproak.

In 2018 wun he de Twentse Taalpries.^[3]

Stukn oet Jewilmke[bewark | bronkode bewarken]

Oet Jewilmke en 'n grösmeeier.

Jewilmke was op weg noar Gerriet.

Den har t doewenhok verplaatst van 't ooldershoes noar 't hoes van Skilders-Bearend, dat hee ekoft har toen Bearend oet de tied was ekömmen, en non zat-e doar alwier ne moand of zesse met Tanja, woer-t-e met was etrouwd.

Biej de trouwerieje was allens netjes verlopen, Jewilmke har zik netjes gedreagen.

Hee har allenig mear 'n poar bouillon-blukskes in 'n douche-kop verstopt, zodat Gerriet en Tanja niks as preuven en smakken harren edoan toen ze doar vuur 't eerste met mekoar oonder de woarme waterstroale steunden.