Fraans-Pruusischen oorlog

Uut Wikipedia, de vrye encyklopedy

Den Fraans-Duutsen of Frans-Prusischen Krieg begun op 19 juli 1870 en duurden tot 10 mei 1871.

Den krieg wodden evoerd tussen Frankriek en de Duutse stoaten under leiding van Prusen. Frankriek was beduch veur den rap greujenden Pruusisch-Duutsen macht. Frankriek was tot 1870 de starkste noatie op et vastelaand in Europa, moar Prusen, onder leiding van Bismarck, wol dizze plaatse innemmen. Dizzen deur beide parti-jen gewunsten krieg zol et umslagpunt betekkenen.

Den krieg was n op-ezat plan van de Realpolitik van Bismarck; veur ziene plannen met éen Duuts Riek mos e Frankriek en Oostenriek uutschakelen. Den Pruusisch-Oostenrieksen Oorlog was in 1866 al beslist in et veurdeel van Prusen; in 1870 zol ok Frankriek volgen.

Op 10 mei 1871 tekkenden Frankriek de Vrea van Frankfurt en wodden den oorlog be-endegd. Op 21 mei zetten et regime van Versailles den anval in op de Commune van Paries, dee wodden neer-eslagen noa ne wekke van harde stried (Semaine sanglante, Blodige weake), woarbi-j teggen de 20.000 leu um et leaven kwamen.

Frankriek mos ok an Duutslaand ne kriegschatting betalen van 5 miljard goldfraank, ruum et dobbele van de joarlekse stoatsbegroting. Zolange dee schatting neet betoald was, zollen Duutsen tröppen et grootste deel van Noord-Frankriek bezet holden, woarbi-j de kosten van et bezet edragen zollen wodden deur et bezette gebeed. De schatting wödden binnen dree joar ofbetaald, woarnoa de Duutse tröppe Noord-Frankriek ontruumden en vortgingen.


Wikimedia Commons Commons: Fraans-Pruusischen oorlog - plaatjes, filmkes en/of gelüüdsbestanden.