Fokko Veldman

Fokko Veldman (Wollinghoezen, 1944 - Bilpin, Australië) was een Grunninger taalkundige en ien van de oprichters van Grunningstalig literair tiedschrift Krödde.

Veldman emigreerde in 1960 mit zien volk naor Australië. Hij behaalde een MA-graod in Germaanse talen an de Universiteit van Melbourne. An de Rieksuniversiteit Grunning promoveerde hij op een proefschrift aover de taal van Westerwolde.

Mit Wim de Lange, Hanny Diemer en Henk Scholte zette Veldman 't tiedschrift Krödde op naor veurbield van 't Drèentse Roet; 't eerste nummer kwaamp uut in april 1982. Van hum stunden verhalen, gedichten en literatuurbesprekings in Krödde. Wieder publiceerde hij artikels op 't gebied van taal, literatuur, volkskunde en geschiedenis.

In 't voortgezet onderwies warkte Veldman as docent Nederlaands en Duuts. Mit de vrouwe, Prue Gargano, was Veldman as schriever en bewarker verbunden an 't Prisma-vmbo-buzewoordenboek Engels-Nederlaands. Ok warkte hij mit an 't Prisma-haandwoordenboek Engels.

Zölfstandige publicaties

• 1988 Tot tijdverdrijf in ballingschap 1663-1665 (mit Hermann Niebaum) (Wolters Noordhoff)
• 1992 De taal van Westerwolde; patronen en structuren in een Gronings dialect (Van Dijk en Foorthuis)
• 2010 Prisma vmbo woordenboek Engels-Nederlands (Prisma)

Bronnen

• Webloug aover Fokko Veldman

Dit artikel is eschreven in 't Zuudwest-Drèents.