Fjaðrárgljúfur

Uut Wikipedie, de vrye encyklopedy
Naar navigatie springen Naar zoeken springen
n Fjaðrárgljúfur-kloof.
n Fjaðrárgljúfur-kloof.

Fjaðrárgljúfur (IPA: ˌfjɑðrau̯rˈlʲuvʏr) is nen kloof in zuudoost Ieslaand. t Is önnevear 100 m deep en 2 km lang, en n Fjaðrá ström d'r deurhenne, den loater in n Skaftá oetmönd. t Leg vlokbiej de Þjóðvegur 1, nich zoo wied van t dörpskn Kirkjubæjarklaustur.

n Fjaðrárgljúfur is nen greunn, indrukwekndn kloof. t Löp deur hyaloklasties (zaacht granulair) gesteante woarinne zich löage met lava en oare seurte intrusies zitt. t Geheal is önnevear 2 miljoon joar lean öntstoan. Toon n ieskap zich an t end van n iestied trögtrökn, öntstoan d'r an n anvang kloof van noen n deep meer in n deur nen gletjser oet-sleepn dal. Me't vearer smealtn van n trögtrekndn gletsjer wörn d'r steads mear ofval noar t meer bracht, woardeur dis zich met sedimeant gung vuln. t Resultoat was det d'r nen krachtign woaterstroom oe't meer in gangs zet wörn den n ofsloetnde steanloag en n zaachtn hyolaklastiese loag d'rveur vearer erodearn. Oetendlik wörn ok t sedimeant in t vulde dal weg-sleatn en nömn n woaterstroom langzoam of tö't nivoo van noe. Kategrie: Dal in Ieslaand