Erwin Nyhoff

Erwin Nyhoff (Erwin Nijhoff, 29 september 1972) is een zanger, gitarist en liedtiesskriever uut Dalsen. Hi'j zingt miest in 't Engels, mar hef ok in 't Sallaans op-eneumen.

The Prodigal Sons[bewark | bronkode bewarken]

In de jaoren neengtig was hi'j slim succesvol mit zien band The Prodigal Sons, die mit 't debutalbum Wine of Life (1993) kats goed op 'e kaorte kwaamp te staon. De band speulden op 't Pinkpop-festival (1994) in Laandgraof en tweimaol op 't prestigieuze South by South West-festival in Austin, Texas (1995 en 1997). 't Tweide album In the Eye of a Stranger (1995) harren de mèensen veule minder oog veur.

Stille tied[bewark | bronkode bewarken]

The Prodigal Sons gungen in 1997 uut menare, waornao 't een tiedlaank stille was rond Erwin Nyhoff. Hi'j speulden mit een gelegenheidsbandtien in 't akoestische circuit, mar har tied neudig um humzölf muzikaal weerumme te vienen. Hi'j leverden bi'jdragen an tribute-cd's veur Boudewijn de Groot en Doe Maar, en trad op mit de originele slagwarker en gitarist van Elvis Presley, respectievelijk DJ Fontana en Scotty Moore.

Solo-carrière[bewark | bronkode bewarken]

Bi'j een optreden veur 't radiopregramma Leidsekade Live vund hum een mitwarker van Warner Music Benelux. Bi'j dit label brocht Erwin Nyhoff in 2001 't 't album Take Your Time uut, in Nashville op-eneumen en eproduceerd deur Richard Dodd. Mit dit album kwaamp Nyhoff as solo-muzikaant naor veuren. Sindsdien toert hi'j regelmaotig mit verskillende samenstellings deur Nederlaand.

Nyhoff zien hitsingle You Still Think kuj heuren in de speulfilm van Robert Jan Westdijk Phileine zegt sorry (2003), naor een roman van Ronald Giphart.

In 2011 zingt Erwin in The Voice of Holland, hi'j zat bie Angela Groothuizen. Hee is daor daarde eworden.