Diskriminatie
Diskriminatie wil letterlik zeggen 'onderskeid maken'. Breder ezegd is et enen groep benoadelen of achterstellen (diskrimineren) tegenoawer anderen.
In Nederland is diskriminatie verböaden op grond van artikel 1 van de Nederlandse grondwet:
Alleman wat in Nederland is, wördt in lieke gevallen liek behandeld. Leu achterstellen um wat ze geleuft, wo as ze in et leaven stoat, woaras ze op stemt, wat veur ras ze biej heurt, wat veur geslacht ze zint, wat veur ne beparking ze hebt, woar ze op valt of op wat vuur grond ook, dat doo'w neet.
Dat et in de grondwet steet wil nog neet zeggen at alleman der zik an höldt. Nederland steet wearldwied bekend as slim tolerant noar groepen dee as ofwiekt van de deursnee, mer der wördt de leste joaren verdan vaker melding doan van diskriminatie en racisme, veural tegen jödden, moslims, homo's en umbouwden.[1] Ook is et nen vörm van diskriminatie te neumen dat minderheidssproaken as Nedersaksisch en Limburgs eweard wordt oet et openboare leaven.