Countrymuziek

Dit artikel zol soamenvougd mouten worden mit t artikel Country, of der daint n dudelker oafboaken tuzzen baaide artikels moakt te worden

Countrymuziek of kortweg country (ofkörting van Country & Western) is nen muziekstiel den as sterk verbunden is met et zuden van de Verenigde Stoaten. Teksten in countrymuziek goat veural oaver leu oet de werkende klassen.

De meeste countrymuziek is in te delen as ballades en dansnummers. Muzikaal en wat teksten angeet zit et deurgoans nich ingewikkeld in mekaar. Meesttieds bint der banjo's, violen, mondörgels en verskeiden gitaarsoorten (zo as akoestische, elektrische, stoal- en resonatorgitaren) in countrymuziek te heuren.

Al hef et zien oorspronk veurnamelik in verskillende vörm van amerikaanse volksmuziek (biejveurbeeld Appalachenmuziek), der is ok heel wat invlood oet Mexikaanse, Ierse en Hawaiiaanse volksmuziek te vernemmen. Ok zit der heel wat blues biej deur.

Vanof de joaren '40 van de twentigste eeuw wun de term country music et van et oldere 'hillbilly music'. Ok 'Western'-muziek valt der rechtevoort biej onder, zo as Texas country, red dirt, en Tejano en New Mexico-muziek, wat nog altied nöast inheemse tradities besteet.

Oorspronk

De heufdkenmerken van moderne country komt oet muzikale tradities oet de zudelike en zuudwestelike Verenigde Stoaten. Al vanof dat opnemmen möggelik wör, zo rond de joaren '20 van de 20e eeuw, wörden volksmuziek verspreid. Volgens countrykenner Bill C. Malone wör country as een zudelik fenomeen anprezen.

Vanoet de Appalachen trökken leu wieder op et zuden en zuudwesten an. In 'n koffer hadden ze ear Europese volksinstrumenten biej zich. Owwer zo'n 300 joar ontstund zo Appalachenmuziek. Met dat et land westwearts voordan meer innömmen wör, deenden de Mississippirivier en 'n stoat Lousiana trefsties vöär countrymuziek. Doar ontstund de Cajunmuziek. In et zuudwesten van de VS warren de Rocky Mountains, de Amerikaanse veurgrens en de Rio Grande meutpunten woar oostelike invloden tehoopkömmen met inheemse, Meksikaanse en cowboy-ballades. Doaroet ontstun New Mexico-music en dat wat 'western' neumd wör. Ofvleuiingen der van bint Red Dirt, Texas country en Tejano. Vanoet Hawaii köm et sleppende steelguitargeluud der biej.

Bekende countrymakers

Wellicht 'n allerbekendsten den wat met country deu was Elvis Presley. Mer countryzangeres Taylor Swift hef der misskien nog wa meer an verdeend. Opvallend was dat in 2025 internationale ster Beyoncé, den zich normaal veural met R&B en hiphop bemeuit, inenen met een countryalbum köm en der ok flinke priez met wun.

In Nederland is de muziek best wa populair in et Nedersaksische gebeed, mer dan wa zungen in et Engels. Wellicht de bekendste country-zangeres oet Nederland is Ilse de Lange, den as verskeiden hits had hef met countrymuziek. Andere bekende Nederlandse artiesten bint Danny Vera, Douwe Bob en Waylon. Ok Henk Wijngaard hef country-nummers maakt. In et Nedersaksisch hebt groepen as Normaal en Boh Foi Toch wa country-achtige dingen probeerd en ok komiek Harm oet Riessen was groot leefhebber.