Buurserzand
Et Buurserzand is een natuurgebeed van ongevear 455 hektare, biej et Twentse Buurse. Et lig deels in de gemeente Hof van Twente en deels in Enske. Der is vuurnamelik bos en heed en et spul wördt biejehölden duur de Verenige Natuurmonumenten. Van 1921 töt 1972 stund de Wissinks Möl in et gebeed.
Et lig neet wied oet de kern van Hoksebarge, op 'n zuden van de N18. Op et zuden an kump et oet in et Hoksebargervenne, wat zik oetstrek töt an de Duutse grenze.
Planten en deers
[bewark | bronkode bewarken]Et grötste deel van et Buurserzaand is dreug heed op old stoefzand med stroekheed en stekkelbremme. Op verskeidene steas vörmet natte steas vennekes (et Buursermeerke, woeras heuvdzakelik Beenbrekker te vinden is). In drassige steas gröait vuurnamelik dopheed. In en um de natte steas gröait zunnedauw en blöaskeskruud. Ook de wakel kan der good geworden. In et natte grös köant verskeidene oarden orchidee best gediejen, zo as n vlakten orchis en klukskesgentaan, woaras verskeidene zommerveugel op of komt, zo as et gentiaanblauwke en de parnassia.
In de natte steas zitt gearne kamsalamanders, poelkikvörske en heedkikvörske. Wat veugel angeet he'j op de velden de wulpe en nachtzwalve. In natte gebeden et blauwbörstje, watersnippe en holtsnippe. In de Steenhaarsplassen leavt de waterralle. Den winterdag kiekt der 'n grauwen klauwier en blauwen kiekendeef achterhen. Ook libellen, roetenlappers en zandiemen komt der vuur. In et Hoksebargervenne komt adders vuur.
Met datzelfde Hoksebargervenne is 'n Buurserzand anwezen as leafgebeed in et Europese natuurnetwark Natura 2000. Biej mekaar is dat 1249 hektare.
Toerisme
[bewark | bronkode bewarken]Der loopt verskeidene wandel- en fietspädte duur et gebeed. Vanoet Natuurmonumenten organiseert ze regelmoatig töchte um de leu wat biej te brengen. Dee vertrekket vanoet De Wakel, een informatieboerderieje woeras ook ne komme koffie en een stukke taarten te kriegen zint.