Bonnie Veendorp

Uut Wikipedia, de vrye encyklopedy

Bonnie Veendorp ('t Ogeveine, 1923 - 26 febrewaori 2014) was een Drèentstalige schriefster die onder meer wark veur kiender schreef.

Ze gruide op in Zuudwolde, trouwde en woonde wat jaor op 't Ogeveine, en woonde vanof 1971 in Zuudwolde. Deur een dichtwedstried van de RONO kwaamp ze in de kunde mit de Drèentstalige dichter en radiomaker Hans Heyting. Dizzend zette heur an töt 't schrieven van een langlopende radiostrip. Wieder van heur haand was de luusterserie "Hej 't al heurd, Coba". Veur RTV Drenthe zette ze Paulus de boskabouter umme in 't Drèents.

Ok via Heyting begunde ze bij te dragen an tiedschrift Oeze Volk, daor as ze sinds 1959 gedichten, vertellegies en maondelijkse "Naoberpraoties" veur schreef. In 2010 kreeg ze veur heur betiekenis veur dit tiedschrift de Roel Reijntjespries.

In 2004 kwaamp Stichting Drentse Taol mit een schrieverspetret van heur op dvd. In 2011 wördden op de Faliebarg op Zuudwolde "Bonnies Kuierpadtien" lösedaone: dartien panelen mit kiendergedichten langs een kuierroute.

Schrieverije[bewark | bronkode bewarken]

  • Naober-praoties, Drentse verhalen en gedichten (Assen, zunder jaortal)
  • Nije Naoberpraoties (Assen, 1983)
  • Drents veurleesboek (vertellegies en gedichten mit illustraties deur Diek van 't Hoff, Möppelt, 1986)

Bronnen[bewark | bronkode bewarken]

  • Rouke Broersma (red.) (2003), Scheupers van de taol: Bloemlezing van de Drèentse Schrieverij 1837-2003, Zuudwolde: Stichting Het Drentse Boek (blz. 109-110)
  • Huus van de Taol aover Bonnie Veendorp
Dit artikel is eschreven in 't Zuudwest-Drèents.