Barbados
| Barbados | ||
 |
.svg) | |
 Ligging van Barbados
| ||
| Basisgegeavens | ||
| Officiele språke | Engelsk, bajaansk | |
| Höyvdstad | Bridgetown | |
| Regeringsform | Republik | |
| Godsdeenst | Kristendom (75%)
Ateisme (20,6) Baha'i (2%) | |
| Geografy en bevolking | ||
| Uppervlakde | 430 km² | |
| Inwoanertal - Dichtheid |
294.560 685 inw./km² | |
| Koordinaten | 13° 6′ N, 59° 35′ W
| |
| Oaverige | ||
| Volksleed | "National Anthem of Barbados" | |
| Münteynheid | Barbadiaansken dollar (BBD)
| |
| Tydzone | UTC−04:00 | |
| Web | kode | tel. | .bb | BB | +1 | |
Barbados is nen karibisken eilandståt in den atlantisken oceaan. Et meat 430 kilometer in et veerkant en höyrt by de Kleine antillen van Westindie. Et ligt et wydst nå et ousten van alle eilanden dår, up de grense tüsken de süüdamerikaanske en karibiske aerdplaten. Grötste stad is höyvdstad Bridgetown.
Do as de spaanske verkenners der achterin de 15. eywe achterhen köämen kyken en et upeyskeden vöär de Kastiliaanske Kroune, woanden et volk de kalinago der al vanaf de 13. eywe. Dårvöär warren der al verskeidene andere volker eweasd. Vanaf 1511 stünd et by up spaanske kaarten. Tüsken 1532 en 1536 eygenden et Portugeyske Ryk et sik to, mär dee warren teagen 1620 alweader vertrökken. Wal löäten se ne koppel wilde biggen achter, sou dat se wat vleisk te halen hadden as se der es anleaden. Up den 14. mei 1625 köäm et engelske skip Olive Blossom an. De seylüde seaden at et vanaf dan under den britsken köäning James I vöäl. In 1627 köämen de eyrste kolonisten an. Sou wör Barbados ne engelske en later ne britske kolony. Se stichteden der rap ne plantage-ekonomy. Warkvolk haalden se eyrst uut Yrland, vake genog teagen de wille van de Yren selv. Later köämen dår noch afrikaanske slaven by. Dat bleav sou töt et Afskaffingsamendement van 1833.
Up den 30. november 1966 wör Barbados unafhangelik as ny lid van et Britske Gemeynebest, wårmed Elizabeth II köäniginne van Barbados wör. Up den 30. november van 2021 dea Barbados et ståtshöyvd der achterhen en wör ne republik binnen et Gemeynebest.
De meyste lüde up Barbados sint nåwas van afrikanen. Der woanet souwat 300 dusend lüde up nen postseagel van 430 kilometer in et veerkant, wårmed et eiland düs oaverbevolked is.
Al is et dan technisk bekeaken en atlantisk eiland, de lüde gedraeget sik der as karibisk en et is eyne van de grötste turistentrekkers in de streake.
De name Barbados kümt van de spaanske en portugeyske seyvöärders. See tröffen der en apart slag boum, ne ård ficus med lange luchtwörtel wat öär wat an böärde löät denken. Soudöänig dat se se los Barbados nöömden. Wallicht eyne van de bekende barbadianen is sangeresse Rihanna.