Anna van Saksen

Uut Wikipedia, de vrye encyklopedy
Anna van Saksen

Anna van Saksen (Dresden, Duutslaand, 23 december 1544 - 18 december 1577) was ne dochter van Maurits van Saksen en Agnes van Hessen, en de tweede vrouwe van Willem van Oranje. Zi-j trouwden in Leipzig op 24 augustus 1561. De broedlachte kreg teggenwarkingen deur et verskil in geleufsovvertuugingen tussen beide aanstoande echteleu (Anna was streng luthers) en Willem was in dee tied katteliek. Hi-j zetten toch deur umdat hi-j nen goode parti-je in ziene rieke bruud zag en hi-j mit et trouwen ok den steun van Saksen, Hessen en den Palts kreg.

Et huwelek wierd geen succes, ondanks vief kinder dee zie kreggen:

Anna was wispelturig, kreg reagelmoatig woodeanvallen en depressieve bui-jen. Zi-j drunk mangs en gaf veul geld uut. Ok pleagden zi-j oaverspel mit Jan Rubens (den vader van den bekenden skilder). Zi-j kreg in 1571 zelfs nen kind van em, Christine von Diez. Dit kind wodden neet deur Willem van Oranje erkend en zi-j wodden hierveur vast enommen. Twee joar loater wöd et huwelek untbonden.

Anna wöd doarnoa krankzinneg verkloard. Heure kinder wödden heur of-enommen en de resterende tied van heur leaven brech zi-j deur in ne dichtgemetselde ruumte in et paleis van den Saksische keurvorst in Dresden. Zi-j steerf doar van uutputting. Zi-j ligt in Meissen begraven.