Aksent (radioprogramma)
Aksent was töt 2011 een rechtstreeks uutezunden radiopregramma oaver streektaal en -cultuur op de Oaveriesselse zender Radio Oost. Monique Sleiderink deu de prissentaotie, mangs in 't Twèents, mangs in 't Nederlaans. Dit was ofhaankelk van de gasten: det kunden lu uut 't Nedersaksische taalgebied weden, mar ok lu van daorbuten. Deur 't veulvuldige wisseln tussen standerdtaal en streektaal had 't leste vake wat regiolectisch: 't was op 't Nederlaans an-escheuven.
Streektaalzangers waren d'r veule te gast, mangs ok mèensen die in de streektaal schreven of aans nog mit cultuur gaanks waren of streekeigen wark hadden. Vaste onderdielen waren 'de twei minuten van Helligen Hendrik' (een sketch deur komiek Bert Eeftink) en de taaltest, waorveur aj de betiekenisse van een Twèents woord mussen raoden. D'r wördden ok meziek edri'jd in de verscheiden streektalen van Nederlaand. 't Pregramma kooj op de zaoterdagnommerdag tussen twaalf en ien uur naor luustern.
Uutgaonde verwiezing[bewark | bronkode bewarken]
|
Dit stok is eskreven in 't Zuudwest-Zuud-Drèents van de Drèents-Oaveriesselse grèensstreek. |