4'33"

Originälen ümslag van et stükke.

4'33" is den titel van en musikstükke uut 1952 van eksperimentääl musikskryver John Cage. Et stükke besteyt enkel uut rösten, wårdöär et veer minuten un 33 sekunden stille is. Dårdöär verskuvt den andacht van de tohöyrder as vanselv nå et ümgeavingsgelüüd, wat dan deyl van de uutvoring wördt. By et uutkummen van et stükke in 1952 verdeylden et slim de meyningen: wat lüde meynden, dit was ja gin musik want der was ja gin ritme of melody to höyren. Anderen seaden, stilde is ja en unmisbår deyl van musik, enkel was in dit stükke ümmedraid wat of der meyr andacht krigt. Et stükke likt ne grappe, mär löt lüde nådenken oaver wat musik nu feitelik is.

Cage kreag et idee do as he ens in ne gelüüdlouse kamer up de universiteit van Harvard had eseaten. Dår untdekkeden hee at absolute stilde neet besteyt. Wo stiller et is, wo meyr as tovallige gelüden upvalt. Dat wol hee medneamen in syn stükke. Ouk sit der ne gedachte uut et zenbudisme in: by et uutvoren wordet spöälers en tohöyrders sik gewår van öäre innerlike gedachten en umgeaving.

Et stükke kan döär netselvde wat vöär instrumentenkombinatioon espöäld worden (y hovet ja toch niks to doon, behalve tellen). Et besteyt uut dree deylen: et eyrste duurt 30 sekunden, et tweyde 2 minuten un 23 sekunden un et darde 40 sekunden.