Googie
![](http://upload.wikimedia.org/wikipedia/commons/thumb/6/6a/Elm_Road_Drive-In_Theatre-2.jpg/320px-Elm_Road_Drive-In_Theatre-2.jpg)
Googie, ok bekend as doo wop, is een 20ste-ieuwse Amerikaanse bouw- en ontwarpstiel mit futuristische trekkies, die hum inspireren leut deur de autocultuur, straolvliegtugen, 't ruumtevaorttiedpark en 't atoomtiedpark.
De stiel kwaamp op in Zuud-Californië en had de wörtels in de Streamline Moderne-variaant binnen de art deco, die um aerodynamische ontwarpen dreide. Zien laandelijk heugtepunt had de Googie-stiel van zo 1945 töt de vrogge jaoren zeuventig. In aandere dielen van de wereld hebt Googie-bouwsels en -ontwarpen naovolging evunden. 't Begrip Googie kump van de niet langer bestaonde Googies Coffee Shop in Hollywood, ontwörpen deur John Lautner.
De Googie-stiel was econcentreerd op motels, koffiebars en tankstesjons. Journaliste Whitney Freedlander leg 't typische verbaand tussen Googie-gebouwen en autowegen as volgt uut:
- "The space race was on. A car culture was emerging. So were millions of postwar babies. Businesses needed ways to get families out of their automobiles and into coffee shops, bowling alleys, gas stations and motels. They needed bright signs and designs showing that the future was now. They needed color and new ideas. They needed Googie."[1]
Googie raakte brieder bekend as onderdiel van de mid-century-modern-ontwarpbeweging, waorin 't gunk um slichte, moderne, estroomliende vörmen. De stiel was ok verwant an de populuxe-esthetiek (mooi ontwörpen massaproducten).
Kenmarken van Googie waren umhoge zwierende daken, geometrische vörmen mit opvalende rondingen, felle kleuren en gul gebruuk van glas, staol en neon. De stiel leut hum ok kennen uut logo's en ontwarpen die beweging angaven en an 't ruumtevaorttiedpark deuden dèenken: boemerangs, vliegende schöttels, schematische weergaves van atomen en parabolen. Krek zoas op de art deco van de jaoren tien, twintig en dartig, waren de lu mittertied minder drok op de stiel, en veule gebouwen mit Googie-architectuur bint intied alweer ofebreuken. Aandere staot nog in 't ende, zoas 't oldste McDonald's-restaurant, uut 1953, in Downey, Californië.
Uutstalling[bewark | bronkode bewarken]
-
Motel in Alamogordo, Nei-Mexico
-
Anaheim Convention Center, Anaheim, Californië
-
Motels in Wildwood Crest, New Jersey
-
Motel in Wisconsin Dells, Wisconsin
-
Wasstraote in San Bernardino, Californië
-
Tankstesjon in Mississauga, Canada
-
't Theme Building van Los Angeles International Airport
-
De Space Needle in Seattle
Rifferenties[bewark | bronkode bewarken]
- ↑ Whitney Friedlander (18 meie 2008), 'Go on a SoCal hunt for Googie architecture', Baltimore Sun, Los Angeles Times.
![]() |
Dit artikel is eschreven in 't Zuudwest-Drèents. |